Er ESB spillingarbæli?

Hve margir lesa frétt með fyrirsögninni Afsögn í Króatíu? Ekki margir. Fyrirsögnin er látlaus en innihaldið er grafalvarlegt.

Ivo Sanader forsætisráðherra sagði af sér. Ástæðan: Seinkun á aðild Króatíu að Evrópusambandinu. Í svari/skýringu ráðherrans segir:

ég játa að ég tók ekki boðum um störf innan Evrópusambandsins

Ef valdamiklum ráðamanni er boðinn vænn bitlingur fyrir að "liðka fyrir" framgangi mála, hvað kallast það? Mútur?

Síðan kemur athugasemd Sanaders:

Evrópusambandið og verkefnið um evrópskan samruna eiga ekki möguleika ef mútur eru viðurkennd aðferðafræði innan Evrópusambandsins 

Takið eftir: ef mútur eru viðurkennd aðferðafræði innan Evrópusambandsins

Forsætisráðherra Króatíu leit þetta svo alvarlegum augum að hann sagði af sér. Þetta hlýtur að teljast alvöru frétt á Íslandi, nú þegar svo mikið er rætt um að gera landið að hluta af Evrópuríkinu.

Takið líka eftir: verkefnið um evrópskan samruna

Hér eru notuð réttu orðin. Í Lissabon samningnum er lagt fyrir auknum pólitískum samruna þar sem yfirþjóðlegt stjórnvald er eflt. Það er fámennum aðildarríkjum ekki í hag.

Ef heimildir Morgunblaðsins eru réttar hefði afsögn Sanaders átt að kalla á miklu meiri athygli en eina litla "felufrétt" undir fyrirsögninni Afsögn í Króatíu. Ég neita að trúa að Mbl "feli" viljandi fréttir sem eru óþægilega fyrir málstað þeirra sem vilja byggja velferðarbrú til Brussel.

Ivo Sanader var boðinn bitlingur. Við skulum vona að enginn íslenskur ráðamaður hafi fengið brusselskt tilboð.

 

 

Afsögn í Króatíu

Athugasemdir

[Bjarni Kjartansson, 2.7.2009 kl. 12:50]

Spurt er:

Er ESB spillingarbæli?

Svar:

Já og mjög rootið.

Mibbó

[Gunnlaugur Ingvarsson (IP-tala skráð) 2.7.2009 kl. 13:19]

Þetta ólýðræðislega EB SAMBAND er ormagryfja spillingar og mútuþægni !

Eðli þess og ólýðræðisleg uppbyggingin getur aldrei alið af sér önnur afkvæmi en spillingu og mútuþægni og álíka óbermi eins og valdníðslu og valdhroka !

Og það sem verra er að svona apparöt er heldur aldrei hægt að laga neitt innan frá.

Kerfið gagnast sjálfu sér og þrýfst á að viðhalda áfram spillingunni og ólýðræðinu og fæða áfram óbermin þ.e. afkvæmin sín.

Svona steinrunnum spillingarapparötum er aðeins hægt að koma frá með byltingu.

Annaðhvort með gagngerri hugarfarsbyltingu sem gerist reyndar ekki fyrren næstum allir sjá orðið að hinn "mikli" keisari vafrar um sviðið algerlega klæðalaus eins og gerðist í flauelis byltingu sumra Austur Evrópuríkjanna, þegar þau hrundu af sér oki kommúnismans. 

Eða þá með blóðugri byltingu fólksins.

Ég veit ekki hvor byltingin það verður sem á endanum mun fella klæðalausan ESB keisarann af valdastallii sínum og síðan méla musterishallir ESB Commízarana í Brussel mélinu smærra.

En eitt veit ég þó og það er að það gerist og það styttist óðum í það !

                            ÁFRAM ÍSLAND - EKKERT ESB !

[Gunnlaugur Ingvarsson (IP-tala skráð) 2.7.2009 kl. 14:03]

Bendi líka á máli mínu til stuðnings hér að ofan að á innan við einu ári hefur valdaapparat ESB gerst sig sekt upp eftirfarandi.

1. Hótanir og ruddaskap við Klaus forseta Tékklands ef hann vogaði sér að fylgja ekki ESB rétttrúnaðar línunni.

2. Hótanir og grófa valdníðslu gagnvart smáþjóðinni Íslandi ef þeir gengju ekki að kröfum Breta og Hellendinga til að viðhalda gatslitnu banka- og fjármálaeftirlitskerfi Sambandsins sjálfs.

3. Reynt að bera mútur á forseta Króatíu, sem af þeim völdum hraktist úr embætti frekar en láta kaupa sig með Evrum til að ganga gegn hagsmunum sinnar eigin þjóðar.

Takið eftir að þetta er aðeins það sem uppá yfirborðið hefur komið. Hvað haldið þið að kæmi í ljós ef kafað yrði dýpra ofan í í ormagryfjuna hjá þessu geðslega Bandalagi.

Bendi að lokum á að talið er að árlega glatist 50 milljarðar Evra í meðförum apparatsins, sem enginn leið er að greina frá hvert hafa farið.

Margur maðkur í mysunni þar, sem svo er bara breitt yfir.

Enda enginn furða að löggiltir endurskoðendur hafa ekki fengist til að undirrita Ársreikninga Sambandsins samfleytt í 14 ár. 

                         ÁFRAM ÍSLAND - EKKERT ESB !

[Tryggvi Thayer, 2.7.2009 kl. 14:40]

Held þú sért algjörlega að misskilja málið. Sanader er að vísa þarna í landamæradeilu Króatíu og Slóveníu: http://euobserver.com/15/28366

[Haraldur Baldursson, 2.7.2009 kl. 15:36]

Ég tek undir með Gunnlaugi

                         ÁFRAM ÍSLAND - EKKERT ESB !

[Haraldur Hansson, 2.7.2009 kl. 17:10]

Takk allir fyrir innlitið og athugasemdirnar.

Tryggvi: Ég er eingöngu að vísa í fréttina eins og hún er á Mbl.is. Þar er heimildar ekki getið en hún er örugglega ekki þessi 9 daga gamla frétt á euobserver.com. En ef t.d. þetta er heimildin fer Mbl að hluta til rangt með.

Tek heils hugar undir með ykkur hinum: Ekkert ESB hér!

[Tryggvi Thayer, 2.7.2009 kl. 21:52]

E.o. þú segir getur borgað sig að lesa fréttina undir fyrirsögninni en það getur líka borgað sig að grafast aðeins frekar fyrir um málin.

[Fannar frá Rifi, 3.7.2009 kl. 10:49]

Tryggvi það getur líka borgað sig að kynna sér staðreyndir um það að bróðurparturinn af öllum útgjöldum ESB hverfa og engin getur fullyrt um það hvert peningarnir fara. Bókhald ESB hefur ekki verið samþykkt af endurskoðendum í yfir áratug. Ætli hluti af útgjöldunum sé notaður til þess að múta "réttum" einstaklingum?

[Haraldur Baldursson, 3.7.2009 kl. 10:59]

Sú tala sem jafnan hefur verið nefnd í "týndu" fé ESB er 7%. Það er umtalsverð upphæð, en engan veginn bróðurpartur. En þetta er vandamál sem fælir alla heiðvirða endurskoðendur (getur þetta komið fyrir í sömu setningu ?) frá að skrifa upp á uppgjörið.

[Benedikt Gunnar Ófeigsson, 3.7.2009 kl. 11:07]

Það má vel lesa á milli línanna í þessari frétt að uppgefin ástæða, þess að samningviðræður milli ESB og Króatíu voru stöðvaðar, sé fyrirsláttur. Og að eitthvað verulega subbulegt hafi farið fram í aðildarviðræðum króata við ESB. 

þessi frétt veitir ákveðna innsýn í það hvernig aðlþjóðasamskipti fara fram.

Mútur, hótanir, baktjaldamakk. 

Hefðbundin mafíu vinnubrögð.

[Tryggvi Thayer, 3.7.2009 kl. 15:54]

Fannar: Hvað í ósköpunum hafa þessar getgátur þínar með málið að gera?

ESB hefur enga ástæðu til að múta Sanader. ESB aðild hefur verið á dagskránni hjá honum í 10 ár og hann hefur haft fullan stuðning þjóðar og ESB. Það eina sem hefur stoppað það er að Slóvenía neitar að samþykkja aðild Króatíu vegna landamæradeilu þeirra.

Í raun er þetta ekkert annað en óheppileg þýðing moggans á "blackmail", sem þeir þýddu sem mútur. Það virðist þó koma sér vel fyrir þá sem eru tilbúnir að gleypa við hverju sem er til að staðfesta trú þeirra að ESB sé spilltasta bákn í heimi.

[Himmalingur, 4.7.2009 kl. 16:34]

Þar sem er pólitík, þar er spilling!

[Jón Halldór Guðmundsson, 6.7.2009 kl. 12:29]

Þetta er alveg hrikalega gagnmerk og málefnaleg umræða.

Ég er alls ekki að neita að trúa því að spillingar og mútumál komi upp innan ESB. Ef slíkt gerist eru viðkomandi einstaklingar spilltir, ekki sambandið. Ef íslenskur bóndi svíkur undan skatt, þá er það ekki áfellisdómur yfir bændastéttina alla, eða hvað?

Við Íslendingar erum ólíkt ESB afar óspilltir og kannanir sýna að hér á landi er hvað minnst spilling í veröld vorri. Við höfum glaðst yfir því, en um leið og við erum of viss um að hér þekkist ekki spilling en hættan mest.

Þetta er svona mitt innlegg í umræðuna og treysti ég vini mínum maeglika til að eyða því ef það fellur ekki nægilega vel inn í skoðanarammann.  

[Náttfari (IP-tala skráð) 9.7.2009 kl. 23:08]

Ef mútur og rotin fyrirgreiðslupólitík viðgengst innan ESB þá eigum við að vera þar því að þar erum við bestir. Vorum talin óspillt þjóð en reyndin er sú að við erum verri en versti glægaflokkur. Svo vel var spillingin falin og frágengin (innmúruð) að við trúðum því sjálf að við værum heiðarleg. Viðgangist spilling innan ESB hljótum við að passa vel í kramið.