Blindur ber haltan

Eftir enn einn neyðarfundinn þar sem ákveðið var að fresta því að halda annan neyðarfund um að taka ákvörðun síðar, er allt í steik í Evrulandi. Þetta er orðið bæði sorglegt og hættulegt.

Presseurope birti þessa mynd þar sem blindur Sarkozy ber halta Merkel á bakinu.
 

Eftir að slóvakíska þingið sagði NEI í dag við „björgunarpakkanum" er ástandið orðið mjög alvarlegt. Slóvakía, fátækasta ríki innan ESB, átti að leggja talsverða fjárhæð í sjóðinn; peninga sem Slóvakar eiga ekki til.

Radicova forsætisráðherra lagði ríkisstjórnina undir og nú er hún í raun fallin. Síðasta hálmstráið er að henni takist að vinna hugmyndinni aukið fylgi á næstu dögum og láta kjósa um „pakkann" aftur. Þegar lítil ríki í ESB segja nei eru þau alltaf látinn kjósa aftur.
 

Þangað til sitja þau hnípin, milli vonar og ótta. Merkel segir ekkert, Sarkozy sér ekkert og Barroso heyrir ekkert og veit ekkert heldur.

 

Slóvakar fella björgunarsjóðinn

Athugasemdir

[Haraldur Hansson, 11.10.2011 kl. 23:36]

RÚV bregst ekki esb-skyldum sínum.

Alla vikuna hafa æðstu ráðamenn Evrópu verið á taugum og beðið eftir atkvæðagreiðslunni í slóvakíska þinginu. Niðurstaða er komin - og hún er skelfileg fyrir Evruland. Fréttastofa RÚV afrekaði að segja ekki eitt einasta orð um það í tíufréttum.

Enn er ekkert um þessa stórfrétt á ruv.is eða textavarpinu. Ekki orð!

----- -----

Í staðinn var hamrað (aftur) á því að einn af fimm hefði hætt við að gera tilboð í Vaðlaheiðargöng. Hann var norskur og mátti af einhverjum ástæðum ekki hafa hluta tilboðsins í norskum krónu (ekki var leitað skýringa hjá Ríkiskaupum).

Á RÚV-brusselsku hét það að Norðmenn hættu við "vegna krónunnar". Málinu stillt þannig upp að það væri krónunni að kenna að norskir gerðu ekki tilboð.

Áróðursdeild ESB á fréttastofu RÚV vann sitt verk í kvöld.