Evran er dauð! Lengi lifi evran!

Þegar einn kóngur deyr tekur annar við. Eða drottning. Stundum heitir nýi kóngur sama nafni en fær þá númer til aðgreiningar frá forverunum; annar, þriðji eða fjórði, eftir atvikum. Eins er það með evruna.

Evran er dauð.

Það er nú orðið opinbert og viðurkennt. Í staðinn kemur "Evra 2" sem júrókratar vona að lifi lengur. Spiegel Online segir að neyðarfundurinn á miðvikudaginn "muni ekki bjarga evrunni, aðeins veita gálgafrest".

Frestinn þarf að nýta vel og búa í haginn fyrir Evru 2 með því að öll ríki Evrulands láti af hendi væna sneið af því fullveldi sem þau eiga enn eftir og sendi það til Brussel. Vissulega ógeðfellt, en eina lausnin sem menn telja að virki.

The euro needs fiscal union to survive in the long term -- but how will leaders ever forge such a union if they can't even agree on the most urgent firefighting measures ...
 

Samninganefnd Íslands hefur ekkert umboð til að semja við ESB um aðild á þessum gjörbreyttu forsendum. Fyrst var sambandinu breytt með Lissabon sáttmálanum og nú verður fullveldi skert og reglum breytt til að evran geti skrimt í útgáfu 2.

Alþingi verður að taka málið til sín aftur, taka nýjar ákvarðanir og gæta þess að Össur og kratarnir skaði ekki þjóðina meira en orðið er. Bera svo undir þjóðina hvort halda eigi áfram blindfluginu til Brussel.

Binding við evru ekki lausn

Athugasemdir

[Ásthildur Cesil Þórðardóttir, 24.10.2011 kl. 22:52]

Já sammála það er komin tími til að taka í handbremsuna og stoppa þetta ferli. 

[Birgir Gudjonsson (IP-tala skráð) 24.10.2011 kl. 23:53]

Samfylkingin þorir ekki að láta kjósa um það.

[eddi (IP-tala skráð) 25.10.2011 kl. 00:07]

við erum eina landið sem stefnir á evru þegar allt er í bál og brand á evrusvæðinu,

getum við ekki einu sinni treyst á skynsemina og farið að hlusta á sérfræðinga

og treysta á okkur sjálf en ekki misvitra menn í Brussel og gjaldmiðil í dauðastríði...

[Elle_, 25.10.2011 kl. 00:28]

VIÐ getum treyst á okkur sjálf, Eddi.  Það er Jóhanna og co. sem dýrka evrópska veldð og það verður að taka af þeim völdin. 

[Haraldur Hansson, 25.10.2011 kl. 00:31]

Þakka innlitið og athugasemdirnar.

Ég las slatta af erlendum fréttum um evruvandann í dag. Hvergi var talað um að aðstoða almenning, að minnka atvinnuleysi, að örva atvinnufyrirtæki eða bæta lífskjör. En það er talað um "að bjarga evrunni" og í einni fréttinni kom þessi frasi þrisvar fyrir! Segir sitt.

[Jón Steinar Ragnarsson, 25.10.2011 kl. 02:27]

Jamm...talandi um forsendubrest, sem nú er svo tíðrætt.  Þessu er sjálfhætt, enda stendur ekki steinn yfir steini í upphaflegum markmiðum. Það væri gaman að sjá forsendurnar fyrir frumvarpinu sem samþykkt var um að "kíkja í pakkann."

Það þurfti aldrei að kíkja í pakkann, því það lá alltaf ljóst fyrir hvað í honum var og allar fullyrðingar um annað hafa nú reynst lygi. Það sem verra er. Innihaldið er ekki það sama nú. Hér er verið að tala um að gera Ísland að fylki í stórríki ESB. European union var þá allaf með sömu formerki og Soviet Union. Ekki viðskipta og tollabandalag heldur miðstýrt ríki með einni ókjörinni yfirstjórn.

Ekki að þetta komi á óvart, því þetta hefur greinilega alltaf verið markmiðið. Þeir sem bentu á þetta voru kallaðir samsæriskenningasmiðir. Nú þegar þetta er ekki kenning, hvað er þetta þá?

[Sandy, 25.10.2011 kl. 09:22]

Guð forði okkur frá því líku. Hugsið ykkur hversu skelfilegur sá raunveruleiki yrði ef það væri til jóhanna 1 og Jóhanna 2 og báðar með sömu valdagræðgina og Jóhanna 1. Ég er sammála þér Haraldur, evran er í dauðateykjunum, en halda menn að Jóhanna og co breyti um stefnu þess vegna, ekki svo viss um það. Ég er þeirrar skoðunar að það þurfi að taka til á þingi fyrr en seinna, en hvernig?

[Haraldur Hansson, 25.10.2011 kl. 12:55]

Þakka ykkur innlitið.

Evran er ekki í dauðateygjunum, hún er dauð. Evra sem farið væri með samkvæmt settum reglum virkar álíka vel og Windows 2.0, þess vegna eru reglur beygðar, lög nú þegar brotin og breytingar boðaðar. Aðeins útgáfa 2.0 á möguleika, með tilheyrandi fórnum. 

Þessu brölti ætti að vera sjálfhætt, en meðan þetta lið heldur um taumana ...

[Jón Steinar Ragnarsson, 25.10.2011 kl. 12:55]

Þegar bæði Egill Helga og Eiríkur þjóðhatari Bergmann eru farnir að segja Jóhönnu delera, þá er líklegta að svo sé.