Þeir bara stjórna

Þetta er eins konar getraun.

===== ===== =====

Þeir eru einn ógeðfelldasti kynþáttur vetrarbrautarinnar. Ekki vondir, en skapillir, afskiptasamir, harðbrjósta skriffinnar.

Þeir myndu ekki einu sinni bjarga ömmu sinni án tilskipunar í þríriti, framsendrar, endursendrar, fyrirspurðrar, týndrar, fundinnar, rannsakaðrar, týndrar aftur, grafinnar í mó í þrjá mánuði, og endurunninnar í eldivið.

Þeir geta ekki hugsað, ímyndað sér eða stafað. Þeir bara stjórna.

===== ===== =====

Spurningin er, hverjum var þannig lýst?

 

Athugasemdir

[hilmar jónsson, 7.12.2009 kl. 00:04]

Halda þeir til í húsi við Háaleitisbraut ?

[Jóna Kolbrún Garðarsdóttir, 7.12.2009 kl. 02:19]

ESB liðar?

[Sigurjón Pálsson (IP-tala skráð) 7.12.2009 kl. 08:04]

Útrásarburgeisarnir?

[Axel Þór Kolbeinsson, 7.12.2009 kl. 08:29]

Vogons.  Bjúrokratar í hugarheimi Douglas Adams og höfundar þriðju verstu ljóðlistar alheims.

[Haraldur Hansson, 7.12.2009 kl. 12:58]

Takk öll fyrir innlitið og svörin.

Axel Þór er með þetta rétt, textinn er úr myndinni "The Hitchhiker's Guide to the Galaxy". Ég sleppti viljandi þessu með ljóðlistina, það gerði gátuna of auðvelda.

Nú hafa Vógonarnir eigna skæða keppinauta eins og ég nefni í næstu færslu.

[Axel Þór Kolbeinsson, 7.12.2009 kl. 13:01]

Bækurnar eru betri.