Lögmálið um IceSave

Hverjar eru líkurnar á að allar örvhentar konur séu fylgjandi IceSave? En að allir rauðhærðir karlmenn séu á móti? Auðvitað engar. Þetta mál er þeirrar gerðar að svona regla getur ekki verið til.

Samt er til IceSave-regla, nánast lögmál. Reglan er svona:

Þeir sem eru fylgjandi því að Ísland gangi í ESB - og eingöng þeir - eru jafnframt fylgjandi því að IceSave skuldaklafinn verði lagður á íslenska þjóð.

Það er engin góð regla án undantekninga. Undantekningin sem sannar regluna eru fáeinir vinstri grænir, sem vegna pólitískrar skákblindu vilja kosta öllu til svo halda megi lífi í sitjandi vinstri stjórn.

Þessi samfylgni er ekki nein tilviljun. Skýringin er að langflestir IceSave sinnar koma úr Samfylkingunni. Þeir eru ekki að hugsa, tala eða kjósa um IceSave heldur um það eitt að koma Íslandi inn í Evrópuríkið.

Samfylkingin er hættulegur flokkur. Alveg stórhættulegur.

 

Stenst Icesave stjórnarskrá?

Athugasemdir

[Þórir Kristinsson (IP-tala skráð) 1.12.2009 kl. 21:13]

Algjörlega hárrétt.  Það er sorglegt að einhverskonar þokukennd hugssjón um samevrópskan þegnrétt sem aldrei gengur upp í praxis skuli gera það að verkum að íslenskir kratar skuli vera tilbúnir til að svíkja sitt eigið föðurland.

Icesave nauðungarsamningurinn er níðingsverk breta og hollendinga gagnvart smáþjóð sem þeir vita að getur ekki blakað við þeim né svarað fyrir sig. Gjörðir Samfylkingarinnar í þessu hryllilega máli eru auðvitað ekkert annað en föðurlandssvik.  Vextirnir eru 100 milljónir á hverjum einasta degi.  Það þarf ekki að vera mjög mikill reikningshaus til að sjá að 300.000 manna þjóð getur aldrei staðið undir þessum okurvöxtum af þessari svimandi upphæð sem ranglega er verið að neyða upp á þjóðina.

[Gísli Ingvarsson, 1.12.2009 kl. 22:35]

Vælukjóar að kenna Ice Safe um ófarir Íslendinga í fjármálum. Dæmigerðir lúsererar.

[G. Valdimar Valdemarsson, 2.12.2009 kl. 10:01]

Fráleit fullyrðing, ég get ekki talað fyrir aðra en veit þú um marga sem eru sama sinnis og ég.  Á móti IceSave en fylgjandi aðild að ESB.

Það liggur engin rannsóknarvinna á bak við þessa fullyrðingu heldur bara blind óskhyggja.

[Helgi Kr. Sigmundsson, 2.12.2009 kl. 10:19]

Við getum sennilega ekki staðið undir þessum vaxtagreiðslum, það er alveg rétt.  100 milljónir á dag og um 40 milljarðar á ári, það væri eins og að greiða fyrir svona Bolungarvíkur jarðgöng á 6-7 vikna fresti!

Flestir sjá vist samband á milli Icesave og ES aðildarumsóknar.  Það hafa borist spurnir af því frá ES löndunum að ekki muni blása byrlega fyrir aðildarumsókn Íslendinga ef Icesave verður ekki leitt til lykta sem þeim eru hagfelld.

[Tómas Ibsen Halldórsson, 2.12.2009 kl. 10:22]

Haraldur, ég er sammála þér, G.Valdimar er undantekningin sem sannar regluna.

[Sigurður Haraldsson, 2.12.2009 kl. 10:47]

Gísli það getur engin kennt Icesave um allt en að samþykkja þennan hroða er hreint glapræði það vita langflestir sem betur fer. Þarna er á ferð pólitísk nauðgun að hálfu samfylkingarinnar til að fá lykill að ESB haftæðinu.

[Kári Friðriksson, 2.12.2009 kl. 11:23]

Ég er á móti "Evrópu-Sovétinu" Þar fengjum við engu ráðið og auðlindir okkar væru í mikilli hættu. Ef t.d. Norðmenn hefðu samþykkt aðild (1994, held ég),þá hefðu þeir misst alveg yfirráð yfir fiskveiðunum árið 2003.(Það ártal man ég . Gerði vísu fyrir nokkru um krata,sem vilja endilega ganga í ESB.                                                  Alla krata ætt´að senda úr landi.- Evrópa mun sjálfsagt við þeim taka.- (Reyndar væri alveg óþolandi,- ef hún mundi senda þá til baka. )   Kári Friðriksson.

[Halldóra Hjaltadóttir, 2.12.2009 kl. 12:17]

Þetta er góð pæling Haraldur Hansson

Þeir sem vilja ofsalega borga Icesave, eru þeir sem vilja lúta erlendu valdi innan Evrópusambandsins.

mbk HH

[Haraldur Hansson, 2.12.2009 kl. 12:43]

Takk öll fyrir innlitið og athugasemdirnar.

Þótt IceSave lögmálið sé ekki jafn óbrigðult og þyngdarlögmálið er fylgnin á milli viljans til að skríða inn í ESB og uppgjafarinnar í IceSave svo sterk, að hún dylst engum. Það er hættulegt ef menn greiða atkvæði um IceSave með ESB leppa fyrir báðum augum.

Ég vona að í hópi skoðanasystkina G. Valdemars í ESB málum, muni fjölga hratt þeim sem eru honum líka sammála um IceSave. Það myndi skáka lögmálinu, okkur til blessunar.

Samanburðurinn við jarðgöng er sláandi og sýnir hvílíkar upphæðir er um að tefla.

[Gísli Ingvarsson, 2.12.2009 kl. 13:15]

Ég tel að Samfylkingin hefði viljað sleppa því að nokkuð einsog Icesafe væri á dagskrá. Það myndi gera þeim auðveldara að ræða td ESB málin. Ég sé bara ekki samhengið þarna, þó að við séum í EES og þó að Holland og Bretar séu í ESB og þó að Icesafe hefði ekki getað orðið nema fyrir tilstilli EES, þá kemur það ekkert ESB við frekar en AGS eða Rússum (sem ekki vilja lána okkur). Þetta er vegna vanstýringar amatöra innan banka og fjármálgeirans og hrikafullra stjórnvalda á Íslandi og í Bretlandi. ESB er bara ekki með fingurinn í þessu. Til að fá þá tengingu er maður vísvitandi að flækja málið í áróðursskyni.

[Haraldur Hansson, 2.12.2009 kl. 18:17]

Gísli; það myndu allir Íslendingar vilja að IceSave væri ekki á dagskrá.

Ef þú trúir enn að ESB sé ekki með fingurna í þessu, að það sé ekkert samhengi þarna á milli og að meint tenging við IceSave sé aðeins tilbúningur í áróðursskyni, lestu þá þetta:

Hann sagði að af skiljanlegum ástæðum hefði ekki verið talað hátt hér á landi fyrstu vikurnar eftir að grímulausar hótanir bárust frá aðilum innan Evrópusambandsins um að láta Íslendinga hafa verra af ef þeir drifu sig ekki í að klára Icesave.

Þetta er haft eftir fjármálaráðherra þjóðarinnar (hér).