Að giftast ódæðismanni

Það er ekki flókið að vera vitur eftirá. En þeir eru nokkrir sem vöruðu sterklega við ofþenslu bankanna og þeim áföllum sem hún myndi á endanum valda. Jóhannes Björn er í hópi þeirra, hann lagði m.a. til hraustlega vaxtalækkun og aðrar varnir átta mánuðum fyrir bankahrun.

Fyrir tveimur vikum birti Jóhannes Björn færslu á síðu sinni vald.org undir yfirskriftinni Bíða og vona. Þar er margt forvitnilegt. Um það bjargræði sem sumir sjá í því að ganga í Evrópusambandið segir hann m.a.:

Nú er líka rætt um að við verðum að ganga í samtök sömu þjóða og eru að kúga okkur þessa dagana. Það er svipuð lógíg og að segja konu sem er þunguð eftir nauðgun að það sé skynsamlegast að hún giftist árásarmanninum ... það einfaldi málið fjárhagslega!

Hann spyr líka hvort þráin eftir evru sé að rugla menn alvarlega í ríminu?

Það er margt athylgisvert í grein Jóhannesar, ekki síst í síðari hluta hennar þar sem hann fjallar um stýrivexti og verðtryggingu. Greinina er að finna hér.

Það er meiri fengur af því að skoða skrif þeirra sem skilja gangverkið og sáu hlutina fyrir, en hinna sem vita þetta allt eftirá. Þess vegna mæli ég með skrifum Jóhannesar. 

Ísland fær enga sérmeðferð

Athugasemdir

[Ragnheiður Ása Ingvarsdóttir, 27.7.2009 kl. 16:56]

Skemmtilegir pistlar hjá þér

[Gísli Baldvinsson (IP-tala skráð) 27.7.2009 kl. 17:07]

Þú mælir með svona samlíkingu: -"Nú er líka rætt um að við verðum að ganga í samtök sömu þjóða og eru að kúga okkur þessa dagana. Það er svipuð lógíg og að segja konu sem er þunguð eftir nauðgun að það sé skynsamlegast að hún giftist árásarmanninum … það einfaldi málið fjárhagslega!-"

Þetta er í hæsta máti ósmekklegt og ósiðlegt, burtsé frá skoðunum.

[Haraldur Baldursson, 27.7.2009 kl. 17:16]

Nafni, grein Jóhannesar er hreint út sagt stórkostleg !
Ef lesendur hafa í hyggju að lesa eitthvað annað í dag, þá mæli ég með að þeir lesi tilvísunina fyrst.

[Jakobína Ingunn Ólafsdóttir, 28.7.2009 kl. 02:42]

Gísli Baldursson það er ekkert ósmekklegt við þessa samlíkingu en það er hins vegar ósmekklegt að segja konu sem er þunguð eftir nauðgun að það sé skynsamlegart  að hún giftist árásarmanninum...að það einfaldi málið fjárhagslega.

Það er líka ósmekklegt (vægast sagt) að nauðga en það er ekki ósmekklegt að tala um nauðgun.

Um evruna:

Ef við skiptum yfir í evru verðum við að kaupa hana á afarverði ef við gerum það við þessar aðstæður og það leysir EKKI vandan.

Þetta evrutal er lausn þeirra sem nenna ekki að þrýfa upp skítinn eftir sig.

[Haraldur Hansson, 28.7.2009 kl. 08:34]

Takk öll fyrir innlitið og athugasemdirnar.

Gísli: Það er ekki nýtt að nota sterkar samlíkingar til að leggja áherslu á orð sín. En ég verð að fallast á það með þér að það er full djúpt í árinni tekið að nota svona ljótan glæp.

Þó að sú þrælslund sem það lýsir, að sækja um aðild að ESB með IceSave og hótanir hangandi yfir sér, sé glæpsamleg og hvorki þingi né þjóð samboðin, hefði farið betur að nota aðra samlíkingu.

Ég mæli engu að síður eindregið með grein Jóhannesar, í henni er margt fróðlegt að finna.