"Sú óhagkvæmasta og versta í heimi"

Hvað eru þeir orðnir margir sem ítrekað hafa hamrað á að undanþágur geti aldrei orðið nema tímabundnar? Og að frávik verði að "rúmast innan fiskveiðistefnu ESB"? Olli Rehn og Dianna Wallis eru í þeim hópi.

Það er sama hvernig blaðinu er snúið, innganga þýðir alltaf að hin formlegu yfirráð verða ekki á Íslandi heldur í Brussel. Þó þau séu "bara formleg" er það vondur kostur.

Fyrir nokkrum vikum var í frétt á mbl.is haft eftir evrópskum pólitíkus (nenni ekki að gúggla nafnið) að stjórnmálamenn þyrftu að axla ábyrgð á fiskveiðistefnu ESB sem er "sú óhagkvæmasta og versta í heimi."

                                                                          ESB veiðir Ísland í net sín

Hlutfallslegur stöðugleiki er, samkvæmt stefnuriti Samfylkingarinnar, hinn óbrigðuli öryggisventill Íslendinga í fiskveiðimálum. Svo kom út Grænbók ESB um fiskveiðar, 22. apríl, þar sem viðruð er sú hugmynd að leggja þá reglu af. Þar við bætist að útilokað virðist að fá nokkrar undanþágur sem banna erlendar fjárfestingar í útgerð, með tilheyrandi hættum. Svo er það kvótahoppið, samningar um flökkustofna og allir hinir gallarnir. Kostir sem má finna geta aldrei vegið upp þessa stóru galla.

Hætturnar eru of margar og of miklar til þess að menn fari að leika sér að eldinum. Fiskurinn í sjónum við Ísland er okkar gullforði og það má aldrei missa formleg yfirráð yfir þeirri auðlind úr höndunum. Það gæti orðið okkur dýrkeyptara en IceSave þegar fram líða stundir.

Skelfileg reynsla Skota af fiskveiðistefnu ESB

Athugasemdir

[Hjörtur J. Guðmundsson, 29.6.2009 kl. 12:50]

Þessi formlegu yfirráð eru hin eiginlegu yfirráð. Það er auðvitað ekkert flóknara en það. Evrópusambandið hefði alltaf síðasta orðið, sambandinu er tryggt það m.a. í Amsterdam-sáttmálanum og verður að sama skapi í Lissabon-sáttmálanum (Stjórnarskrá Evrópusambandsins).

[Haraldur Baldursson, 29.6.2009 kl. 14:32]

Fiskur, hreint vatn, Dreka-olía, nýjar siglingarleiðir og ekki síst aðgangsmiði að Norðurheimsskautsráðinu.... segi svo einhver að ESB hafi ekki áhuga á Íslandi...