IceSave fyrst og handjárnin svo

Carl Bildt, utanríkisráðherra Svíþjóðar segir m.a. í viðtali við Mbl.is:

... þurfum að takast á við þær breytingar sem verða samfara umskiptunum frá Nice-sáttmálanum yfir til Lissabon-sáttmálans

Það er enginn vafi í huga hans, frekar en annarra sem koma að stjórn mála innan ESB, að Lissabon samningurinn sé það sem koma skal. Til hvers að láta Íra kjósa ef það er þegar búið að ákveða þetta? Þetta endalausa skrum um lýðræði er bara hallærislegt.

Með því [EES samningnum] hefur Ísland lokið þremur fjórðu hluta vegferðarinnar að samrunanum við Evrópu

Hann nota þó réttu orðin. Lissabon samningurinn snýst jú um pólitískan samruna. Að breyta ESB úr sambandi 27 sjálfstæðra ríkja í eitt sjálfstætt sambandsríki: Evrópuríkið. Það ferli verður klárað með Lissabon samningnum. 

Fyrr í dag var önnur frétt á Mbl.is, sem má sjá hérna. Þar er rætt við Alexander Stubb utanríkisráðherra Finnlands, sem hefur líka margt fróðlegt fram að færa.

Þvert á móti þá munu þær [aðildarviðræðurnar] verða mjög erfiðar því grundvallarviðhorf Evrópusambandsins liggur fyrir: Það yrði hlutverk Íslands að fylgja reglum sambandsins.

Það er sama hversu fast við reynum að loka augunum, hinn pólitíski samruni er staðreynd. Málum, þar sem krafist er einróma samþykkis, fækkar jafnt og þétt. Það er fámennum ríkjum ekki í hag. Áhrif Íslands á eigin velferð verða ekki nema til málamynda og varla það, ef við villumst inn í Evrópuríkið.

Svo kemur rúsínan í pylsuendanum. Spurður um hvers vegna Finnar hefðu ekki stutt málstað Íslands í IceSave deilunni svarar Stubbs:

Finnar styðji sérhverja þá ákvörðun sem greiði götu Íslands að Evrópusambandsaðild.

Af þessu má gagnálykta að það hafi verið nauðsynlegt að þvinga Ísland til að gefa eftir til þess að tryggja greiða inngöngu Íslands í Evrópuríkið:

Borgið IceSave fyrst, svo setjum við á ykkur ESB handjárnin.

 

 

 

Aðild Íslands sett í forgang

Athugasemdir

[Anna Benkovic Mikaelsdóttir, 9.6.2009 kl. 18:17]

Þessir menn eiga heima í fangelsi!

[Páll Vilhjálmsson, 9.6.2009 kl. 19:25]

Svo er það bara spurningin hvort við látum Samfylkinguna teyma okkur út í þessa vitleysu.

[Tómas Ibsen Halldórsson, 9.6.2009 kl. 20:58]

Svona er það bara, vinaþjóðir okkar eru bara vinaþjóðir okkar ef við förum að þeirra vilja.  Nú á að nota "vináttuna" til að þvinga okkur inn í ESB.  Hver norðurlanda ESB-"vinur" okkar af fætur öðrum kemur fram á sjónarsviðið með yfirlýsingar, ýmist eftir pöntun eða af sjálfsdáðum og hvetja okkur til að ganga inn í skrímslið.  Yfirlýsingar þeirra eru ekkert annað en pólitísk afskipti af íslenskum málum.

[Eggert Guðmundsson (IP-tala skráð) 10.6.2009 kl. 02:17]

Borgum ekki ICESAVE og látum reyna á réttlæti ESB ríkja og annara "vinaríkja" okkar.  Þvingum ESBríki að láta á reyna löggjöf sína gagnvart okkur. Okkar vegna vegna mögulegrar inngöngu og síns vegna sannfæringar sinnar á sinni löggjög.

[Haraldur Hansson, 10.6.2009 kl. 11:19]

Takk öll fyrir innlitið og athugasemdirnar.

Það sem er ljótast í þessu öllu er hvernig ólæknandi ESB-veira Samfylkingarinnar er hiklaust notuð gegn okkur í IceSave málinu.