Hótanir ESB að virka?

Um daginn birti BBC Newsnight viðtal við írska stjórnmálamanninn Naoise Nunn. Í fyrra var hann á móti Lissabon samningnum en hvetur nú landa sína til að segja "já" þegar þeir verða látnir kjósa um hann aftur í október.

Viðtalið má sjá og heyra hér.

Ástæðurnar sem Nunn gefur eru efnislega þessar:

Írar eru bara fjórar milljónir, engin önnur þjóð fékk að kjósa um samninginn. Við getum ekki einir ákveðið að fella hann. "We need to be part of the club" segir hann.

Írar þurfi að vera virkir þátttakendur. Sem þýðir að þeir megi ekki standa uppi í hárinu á stóru strákunum og segja nei. Þá verði þeim bolað út í horn og verði ekki "active players". Boðskapurinn er ekki dulinn: Við verðum að segja já, annars hljótum við verra af.

Þessar refsingar sem Nunn gefur í skyn eru í fullu samræmi við það sem José Manuel Barroso, forsætisráðherra Evrópuríkisins, sagði um Íra, ef þeir samþykktu ekki Lissabon: "They can always opt for a voluntary exit" eins og hann orðaði hótun um brottrekstur svo snyrtilega.  

Nunn segir að Írar séu í svo djúpri kreppu hafi þeir ekki efni á að segja nei. Þetta segir hann þrátt fyrir að Lissabon samningurinn hafi ekkert með efnahag Íra að gera og að samþykkt hans eða synjun breyti þar engu um. Skilaboðin eru ekki dulbúin.

Írar hallast að Lissabonsáttmálanum

Athugasemdir

[Ómar Bjarki Kristjánsson, 1.6.2009 kl. 16:24]

Já skiljanlega hefur hann séð að tóm vitleysa var að vera á móti Umbótasáttmálanum.

Þarna fær Declan Ganley þungt högg en hann hefur farið mikinn undanfarið í hræðsluáróðri, rétt eins og í fyrra. 

Nunn var háttsettur og í lykilhlutverki " Libertas" sem barðist og berst gegn Sáttmálanum. 

[Jóhannes H. Laxdal, 2.6.2009 kl. 02:31]

Er núna farið að kalla Lissabon sáttmálann "Umbótasáttmálann" í staðinn fyrir stjórnarskrársáttmála sem er nærra lagi... Áróðurssmaskína ESB sinna byrjuð að snúast semsagt.

[Jón Valur Jensson, 2.6.2009 kl. 03:37]

Þakka þér fyrir þessa mjög svo athyglisverðu færslu, Haraldur. Ég er sammála þínum ályktunum í þessu máli.

Ómar Bjarki Kristjánsson er hér sem fyrri daginn ómarktækur í sinni Evrópubandalags-málsvörn.

[Haraldur Hansson, 2.6.2009 kl. 10:18]

Takk allir fyrir innlitið og athugasemdirnar.

Ómar: Færslan er ekki um innanflokksátök Libertas, heldur um að ESB beitir eitt af aðildarríkjum sínum þvingunum. Þetta er ekki í fyrsta sinn. Írar felldu Nice samninginn í júní 2001 og voru látnir kjósa aftur. Þeir felldu Lissabon í júní 2008 og verða látnir kjósa aftur. Endurtekið efni.

Í fyrra skiptið dugði "kynningarátak" til að auka kjörsókn og knýja fram samþykkt. Nú á að endurtaka leikinn. Barroso gaf tóninn og Nunn hlýðir kallinu. Kreppan er notuð sem svipa þó að hún hafi nákvæmlega ekkert með innihald samningsins að gera.