NÝIR DRAUGAR (tilbúnir 7. júní)

Nei, ég er ekki að tala um Gláminn með glyrnurnar, ekki um óperudrauginn og hvorki um móra né skottur eða góða drauginn Casper. Heldur alvöru drauga. Drauga af holdi og blóði sem eru hannaðir í Brussel og verða smíðaðir í næstu viku. Og þetta er alveg dagsatt!

Enn ein birtingarmynd fáránleikans verður afhjúpuð þegar 18 draugar verða kjörnir á Evrópuþingið. Phatnoms of the Parliament eru þingmenn sem fá að sitja sem áheyrnarfulltrúar án atkvæðaréttar. Þeir fá "observer status" og þiggja full þingmannslaun.

Og hvernig stendur á þessu?

Það verða kjörnir 754 þingmenn í kosningunum í næstu viku. Ekki 736, eins og gildandi reglur Nice sáttmálans segja til um, heldur 754 samkvæmt Lissabon samningnum. Sá samningur var ekki samþykktur og er ekki í gildi, en strákunum í Brussel (sem hundleiðist allt lýðræði) datt það snjallræði í hug að kjósa eftir honum samt.

Þessir draugar eiga að breytast í fullgilda þingmenn þegar Lissabon samningurinn verður lögtekinn. Ó já, ekki ef heldur þegar. Þeir gætu þurft að vera draugar í allt að tvö ár.

Það er búið að ákveða úrslitin fyrirfram; samningurinn skal samþykktur þegar Írar verða látnir kjósa um hann í annað sinn. Þeim leiðst svo lýðræðið, strákunum í Brussel.  

Hvað er lýðræði?

Samkvæmt brussel-evrópskri orðabók:
lýðræði = þú gerir eins og stjórnmálastéttin er búin að ákveða að sé þér fyrir bestu.

En þetta verður í síðasta sinn sem strákarnir í Brussel þurfa að svína á lýðræðinu með því að beita brusselsku orðabókinni sinni. Með gildistöku Lissabon samningsins verður lýðræðinu endalega úthýst úr Evrópusambandinu. Þegnarnir munu framvegis aldrei kjósa um neitt sem skiptir máli. Í besta falli nokkra drauga á þing.

Fyrstu umræðu um ESB-tillögu lokið

Athugasemdir

[Haraldur Hansson, 29.5.2009 kl. 14:33]

Það var bætt við 3 fyrir Þýskaland, verða 754.

[Ómar Bjarki Kristjánsson, 29.5.2009 kl. 15:28]

Þetta er bara ósköp eðlilegt og ekkert "fáránlegt" við efnið ef haft er í huga breitingar ýmsar sem verið er að gera.  Eðlilegasta mál í heimi.

Svo er, samkv. BBC 25 maí,  ekkert ákveðið það sem nefnt er í pistlinum.  Aðeins hugmyndir um slíkt og áhui td. spánverja þar að lútandi sýnist mér.

Svo var ekkert bætt við þýskaland.  Aðeins að þeir fá að halda sínum 99 til 2014.

http://news.bbc.co.uk/2/hi/europe/8066946.stm

Þið andsinnar verðið að fara koma með etthvað efnislegt og raunverulegt vandamál við esb.  Ekki þetta bull endalaust útí loftið.  Afskaplega þreytandi.

[Haraldur Hansson, 29.5.2009 kl. 16:33]

Kærar þakkir fyrir innlitið og athugasemdirnar.

Ómar: Ef þingsætum verður úthlutað eftir reglum sem ekki samrýmast gildandi lögum, þá er það fáránlegt. Sama hvernig á það er litið:

In anticipation of these difficulties, the Parliament agreed at its last plenary session to grant observer status to the 18 phantom MEPs until they get full voting rights.

Jón Frímann: Ef þú smellir á seinni linkinn sem þú sendir og lest til enda, þá kemur þetta fram þar. Um er að ræða breytingu frá því í desember. Bætt við 3 hjá Þýskalandi þannig að þeir hafi áfram 99, en ekki 96 eins og átti að vera.

... bringing the number of MEPs to 754 for a transitional period until 2014.

[Axel Þór Kolbeinsson, 29.5.2009 kl. 17:00]

Og hér er fréttatilkynning frá Evrópuþinginu sjálfu sem Jón Frímann hefur ekki fengið.

[Ómar Bjarki Kristjánsson, 29.5.2009 kl. 18:05]

Haraldur,  eg hef skoðað þetta aðeins betur, það er fullt um þetta að svokölluðum Esb skeptikerum breskum, Daniel Hannan bla bla bla.  Breski Sjallaflokkur o.þ.h. Vonda esb etc.

Meina, þetta er bara smámál.  Þegar Lissabonsáttmálinn verður samþykktur verða þessir þingmenn.  Að örgu leiti skynsamlegt að undirbúa þá og láta þá kynna sér vinnustaðinn o.s.frv. 

Ef það er ekki meira en einhver reytingur af þessum toga sem andstæðingar evrópskrar samvinnu geta fundið slæmt við ESB - Tja, þá hlýtur ESB bara að vera nánast fullkomið ! 

[Haraldur Hansson, 30.5.2009 kl. 11:44]

Ómar, þú hittir naglann þráðbeint á höfuðið með setningunni "Þegar Lissabonsáttmálinn verður samþykktur verða þessir þingmenn."

Það ber að kjósa og úthluta þingsætum samkvæmt gildandi lögum. Lissabonsáttmálinn öðlast ekki gildi fyrr en hann hefur hlotið staðfestingu í öllum aðildarríkjum. Þannig eru reglur Evrópusambandsins.

Enn sem komið er er sáttmálinn "marklaust plagg" í þeim skilningi að hann hefur ekki verið lögtekinn og hefur því ekki lagalegt gildi. Í þremur ríkjum á eftir að staðfesta hann; í tveimur aðeins formlega en í einu með lýðræðislegum kosningum. Þá er stjórnarskrárdeila óútkljáð í einu ríki til viðbótar.

Með því að úthluta þingsætum eftir reglum sem ekki eru í gildi er Evrópusambandið að fara á svig við eigin lög og gefa Írum skilaboð um að þeim beri að segja já í október.

Það er ekki "bara smámál" heldur vond stjórnsýsla.

[Jón Lárusson, 31.5.2009 kl. 15:26]

Það er fáránlegt að halda því fram að það sé eðlilegt að kjósa eftir reglum sem ekki sé búið að samþykkja og á eftir að fara í kosningu hjá fólki sem þegar er búið að segja nei. Er þá ekki meiri líkur á að það verði annað nei? Nema náttúrulega að þessu verði "reddað" einhvern vegin.

Þið andsinnar verðið að fara koma með etthvað efnislegt og raunverulegt vandamál við esb.  Ekki þetta bull endalaust útí loftið.  Afskaplega þreytandi

Ég er ekki alveg að sjá þetta stemma hjá þér. Nú hef ég fylgst með þessari umræðu og tekið þátt. Hef líka fylgst með ESB í gegnum árin og sé hvert það er að leiða. Hins vegar þá er ég ekki að sjá þessa vöntun á að sýnt sé fram á efnisleg og raunveruleg vandmál við ESB. Við sem þú kallar "andsinna" en ég vil frekar kalla fullveldissinna, höfum verið að benda á fjöldan allan af afmörkum. Hins vegar er ég ekki enn að sjá neitt áþreifanlegt hjá stuðningsmönnum ESB annað en þetta sífellda klifur á að "þetta verður allt mun betra", "krónan er ónýt" og svo það besta "við losnum við spillta ráðamenn". ESB aðild kom ekki í veg fyrir neitt hjá Írum, krónan er ekki ónýt heldur bara misnotuð auk þess sem euro er allt of hátt skráð til þess að hjálpa þessum löndum í dag og svo er spillingin slík í Brussel að það er ekki einu sinni hægt að skýra út megnið af kostnaðarliðunum hjá þeim. Íslenskir ráðamenn eru amatörar miðað við þá brusselsku.

Persónulega þá snýr málið þannig að mér sem Íslending. ESB er batterý þar sem ekket lýðræði er til staðar, það er eingin aðgangur að þeim sem ráða og við höfum í raun ekkert með það hverjir ráða. Hagsmunir "heildarinnar" eru teknir fram yfir sérhagsmuni og þar sem við erum ekki nálægt þessum stóru í þörfum, þá er ég ekki að sjá að við njótum einhvers hags af þessu. Við höfum auðlindir sem sambandið ásælist og mitt mat er það að við komum til með að missa allt vald yfir þeim. Það mun verða ódýrara fyrir samandið að senda okkur bara niður til meginlandsins og koma okkur fyrir þar heldur en að halda úti byggð, en landð verði síðan svona auðlindanýlenda í stíl við Svalbarða.

[Gunnlaugur Ingvarsson (IP-tala skráð) 1.6.2009 kl. 08:53]

Ég tek undir með Jóni Lárussyni. Við höfum ekkert í ESB að sækja.

Þessi deila hér við Jón Frímann og fleiri um nákvæman fjölda þessara svonefndu ESB þingmanna finnst mér ósköp litlu máli skipta.

Svona eins og deila um nákvæma síddina á skeggi þessa algerlega klæðalausa keisara, sem heitir ESB.

Aðalmálið varðandi þetta ESB þing ætti að vera sú nöturlega og ólýðræðislega staðreynd að þessi tiltekni fjöldi þingmanna sem nú mun taka sæti á ESB þinginu er bara táknrænt sýnishorn af sýndarmennsku á lýðræðinu innan ESB.

Vegna þess að þetta þing þeirra er nánast valdalaust verkfæri skriffinnanna og eiginlega svona eins og prúðuleikhús fáránleikans.

Þessir blessuðu ESB þngmenn ráða í raun nánast engu um ákvarðanir og stefnu sambandsins.

Þeir ráða ekki einu sinni dagskrá þingsins og hvaða mál eru þar tekinn fyrir.

Það eru andlitslausu og spilltu embættismannaráðin sem aldrei eru kosinn sem komið hafa hlutunum svo snilldarlega fyrir til þess að verja áfram sín völd og sína sjóði og sína hagsmuni svo þeir geti áfram haft vit fyrir okkur sauðsvörtum almúganum og líka passað það að þessir fulltrúar sem fólkið hefur glapist á að kjósa tímabundið inná þessa samkundu séu nú ekki heldur að skemma mikið fyrir þeim.  

Þetta er nú hinn spillti og ömurlegi valdastrúktúr ESB í framkvæmd !

                                 ÁFRAM ÍSLAND - EKKERT ESB !

[Haraldur Hansson, 2.6.2009 kl. 10:34]

Takk fyrir þessar athugasemdir.

Jón, tek undir með þér. Þetta markaðsbandalag, innan eigin tollamúra, er að verða æ pólitískara og fyrirsjáanlegur samruni getur aldrei orðið fámennu eyríki í hag.

Gunnlaugur: Færslan er um að ESB fer ekki að gildandi lögum og svo fær maður athugasemdir um fjölda þingmanna! Örugglega rétt að tala um "táknrænt sýnishorn af sýndarmennsku"!!