JÓN SIGURÐSSON (ekki sá eini sanni)

Jón Sigurðsson skrifar pistil á Pressuna sem síðan skrifar frétt um pistilinn. Jón er fyrrum ráðherra og fyrrum seðlabankastjóri og fyrrum formaður flokksins sem vill halda Græna herberginu.

Pistill hans er um ágæti þess að Ísland gangi í Evrópusambandið með því að "nýta öll fordæmi sem fyrir eru" um undanþágur af ýmsum toga.

Hann telur upp í 8 liðum nokkra kosti og fyrst þann að hægt sé segja sig úr Evrópusambandinu (margir draga í efa að það sé gerlegt, eftir að ríki hefur tekið upp evruna). Síðan heldur hann áfram að telja upp nauðsynlegar undanþágur.

Undanþágur frá sjávarútvegsstefnunni

Undanþágur varðandi eignarhald á fyrirtækjum, bújörðum o.fl.

Undanþága til viðurkenningar á eignarrétti á auðlindum

Undanþágur frá landbúnaðarstefnunni

Undanþágur frá Maastricht reglum (gefið í  skyn)

Undanþágur frá hugsanlegum breytingum á reglum um greiðslur til ESB

Svo segir Jón:
"Eins þýðir ekki að nota undanþágur nema um lítilvæg atriði".

Ekki er ég sammála Jóni um að landbúnaður, sjávarútvegur, auðlindir og eignarhald séu lítilvæg atriði. Hins vegar eru "rök" hans um bókanir Maltverja og Dana lítilvæg og um ákvæði 299. gr. Rómarasáttmálans enn slappari. Reyndar alveg ómerk, en sett inn til að láta pistilinn líta fræðilega út.

Niðurstaðan er þessi:
Við skulum ganga í ESB um leið og við erum búin að semja um undanþágur í öllum helstu málaflokkum og tryggja að við þurfum ekki að fara eftir reglum þess.

Er ekki hreinlegra að sleppa þessari vitleysu?

Athugasemdir

[Jón Valur Jensson, 23.5.2009 kl. 13:57]

Jú, svo sannarlega, Haraldur, sleppum þessu!

Það er manni ekki raunalaust að horfa upp á sinn gamla kennara J.S. beita sér eins og burðarklár í þessu máli til að troða okkur inn í Evrópubandalagið. En hver hefur sinn djöful að draga (ég á við J.S. og hans óyndislega dráttarhlass, sem er Evrópubandalagið).

PS. Endilega lítið á þessa AFAR mikilvægu, glænýju Vísisblogggrein mína: Samvizkuspurningar til EB-sinna! Farið ekki á mis við að lesa hana, hún fjallar um alger undirstöðumál í þessu öllu saman.

Og svo ert þú sjálfur, Haraldur, kominn á heiðursmannabekkinn HÉR! (nr. 5 neðarlega í dálkinum hægra megin).

[Páll Vilhjálmsson, 23.5.2009 kl. 14:21]

Haraldur, það er merkilegt með aðildarsinna hvað þeir eru ákafir í að ganga í ESB en vilja undanþágur í mörgum liðum. Ef ESB er svona fínn klúbbur hvers vegna þá að fá undanþágur? Eðlilegast er auðvitað að sleppa inngöngu í félagsskapinn, eins og þú bendir á.

[Gylfi Gylfason (IP-tala skráð) 23.5.2009 kl. 15:15]

hahahahaha. Þetta er einmitt málið. Ef þetta, ef hitt....
Málflutningur aðildarsinna segir einmitt býsna mikið um hið svokallaða ágæti þess gagnvart þjóð vorri. 

[Haraldur Hansson, 23.5.2009 kl. 16:05]

Sælir allir og takk fyrir athugasemdirnar.

Það sem mér þykir verst við lestur pistils Jóns eru "rökin" sem hann færir. Það læðist að manni sá grunur að þau séu gegn betri vitund.

Dæmi:
Hann talar um undanþágur varðandi eignarhald á útgerðarfyrirtækjum, bújörðum og öðrum atvinnutækjum. Í framhaldinu nefnir hann bókanir Dana (um sumarhús) og Maltverja (um íbúðarlóðir) sem rök í málinu. Samt snerta þær atvinnurekstur nákvæmlega ekki neitt. 

Sjá hér, bls. 78 og 83.

Annað dæmi:
Hann segir að 299. gr. Rómarsáttmála (349. gr. í Lissabon) "fullnægi kröfum Íslendinga" um "algera sérstöðu og sjálfræði í sjávarútvegi".

Samt er nánast útilokað að greinin eigi við um Ísland, sem hefur sitt eigið löggjafarþing, ríkisstjórn og dómskerfi, auk eigin fjárlaga.

Því til viðbótar segir um undanþágur á grundvelli 299 greinar: "Heimamenn hafa einkarétt til veiða, vinnslu og markaðssóknar, en mega hins vegar t.d. ekki sækja inn á meginlandsmarkað Evrópu með þeim hætti að skekki markaðsaðstæður þar." Þessi "rök" eru því sjálfdauð.

Tilvitnunin er hér, í neðanmálsgrein á bls. 80.

[Jón Á Grétarsson, 23.5.2009 kl. 19:52]

Góður púnktur.

Það væri kannski hægt að súmmera þetta í að fá "undanþágu frá aðild að Evrópusambandinu "

[Jón Valur Jensson, 23.5.2009 kl. 20:26]

Já, þessi toppar það!

[Mr. Jón Scout Commander (IP-tala skráð) 27.5.2009 kl. 16:57]

Inngangan í ESB er ekki endilega einhver óskastaða!

Er fullreynt með krónuna eða ekki???????????????

Norðmenn segja að norska krónan sé bara fyrir norðmenn.

Eigum við ekki meiri samleið með Evrópskum-gildum en Amerískum í flestum málum?

[Jón Valur Jensson, 27.5.2009 kl. 17:16]

Við ættum fyrst og fremst að standa með okkar eigin gildum, nafni: sjálfstæði og hag þjóðar okkar, fullveldi hennar til góðra verka í veröldinni. Sjálfstæðið er sístæð auðlind, en í Evrópubandalaginu hefur lengi ríkt stöðnunarhneigð sem fer vaxandi.