70,3% Íslendinga vilja meira sólskin

Langflestir þeirra sem vilja breyta veðurfarinu á Íslandi, eða 70,3%, vilja meira sólskin. Þá telja 50,6% nauðsynlegt að draga úr úrkomu á láglendi, minnka meðalvind í júlí og ágúst um 5,3 sekúndumetra og hækka meðalhita um 4 gráður, að jafnaði.

OK. Köstum krónunni og tökum upp evru. Hvað svo?

Nú fárast menn yfir auknum þjónustugjöldum, sem tekin eru upp af illri nauðsyn í kreppunni. Vonandi er hægt að aflétta þeim sem fyrst. Og auðvitað eru allir ósáttir við 7% atvinnuleysi, enda er það skaðvaldur hinn mesti.En við viljum kasta krónunni, helst á næstu 6 mánuðum, til að taka upp evru. Hún á að laga meinið og lækna okkur af kreppunni.

En það er því miður ekki hægt að lækna innanmein með því að setja plástur á hnéð.

Fylgifiskarnir yrðu niðurskurður í þjónustu, aukin gjaldtaka til frambúðar og viðvarandi atvinnuleysi. Erum við bættari með það? Hvers vegna ekki að horfast í augu við að það er ekki raunhæfur möguleiki að taka upp evru hér á landi næstu 10 árin og haga vinnunni í samræmi við það. Sér í lagi aðgerðir til að koma í veg fyrir að fjölskyldur tapi eignum sínum. Kreppan fer ekki af sjálfu sér og evran fjarlægir hana ekki heldur.

Svona umræða gerir ekki annað en að beina athyglinni frá pólitísku gjaldþroti. 

Langflestir þeirra sem vilja skipta velja evru

Athugasemdir

[Ragnar Eiríksson (IP-tala skráð) 7.1.2009 kl. 14:18]

Það er með ólíkindum hve margir vilja drepa umræðunni á dreif, tala um hvað FME sé vonlaus stofnun, Davíð vondur og svo allt þetta EVRU/Dollara blaður!    Það fyrsta og eina sem við þurfum til að byrja á er að koma ríkisstjórninni frá og fá sannleikann upp á borðið, allan skítinn sem Geir og ISG hylma yfir!     Eru erlendir bankar komnir með veð í stórum hluta kvótans?      Stendur til að skera útgerðarmennina úr snörunni og kaupa kvótann tilbaka handa þeim?     Á ekkert að gera fyrir heimilin í landinu, skuldaþrælana, o.fl., o.fl.

Ég las grein Benedikts Sigurðarsonar um aðgerðir og fannst ég skilja og geta samþykkt að tillögur hans gætu gefið árangur - sjá :

Neyðarkall yngri fjölskyldnanna vegna óréttlátrar verðtryggingar

Annas tek ég ekki alveg undir veðurskoðanirnar, þær gilda ekki hérna fyrir Norðurlandið!   Það eru vandræði með þennan þurrk og sól seinnipart maí og fyrripart júní - áburðurinn fer ekki niður!!!!!!!!!!!!!!!

Ragnar