Forsetafrúin Glanni glæpur

Þegar fyrstu vangaveltur birtust um hugsanlega frambjóðendur til forseta var leikkonan Steinunn Ólína nefnd. Það fannst mér flott hugmynd, þó ekki væri nema fyrir það að þá yrði Glanni glæpur forsetafrú.

Þrátt fyrir nafnið er Glanni enginn glæpon. Hann myndi aldrei berja tennur úr fólki eða sýna gamalli konu ruddaskap. Ekki heldur langömmu barnanna sinna. Hann veit að þá ætti hann ekkert erindi á Bessastaði.  

Glanni er nefnilega enginn ofbeldismaður, heldur meinlaus hrekkjalómur sem stríðir íþróttaálfinum. Hann gefur krökkum karamellur (þó það sé ekki nammidagur) eða hnuplar af þeim epli. Í knyttum hans leynist boðskapur og Glanni hefur fræðandi hlutverk.

Synd að Steinunn Ólína skuli ekki hafa boðið sig fram. Hún hefði eflaust sómt sér vel í embætti og Glanni glæpur verið betri kostur á Bessastöðum, eins og sagt er.

Tæp 16.000 atkvæði komin í hús

Athugasemdir

[H.T. Bjarnason (IP-tala skráð) 27.6.2012 kl. 00:25]

Eigum við nokkuð að feta þessa braut?  Ég segi bara eins og Herdís, ræðum frekar um málefnin.

[Steddi, 27.6.2012 kl. 03:39]

Æ tek undir með síðasta vimælena, finnst þetta svolítið kjánalegt komment.

[Haraldur Hansson, 27.6.2012 kl. 10:35]

Þakka ykkur innlitið og athugasemdirnar.

Auðvitað á að ræða málefnin, sem eru aðallega um eðli embættisins; málskostsréttinn, sameiningartákn, fulltrúa þjóðarinnar o.s.frv.

En það á líka að skoða hvort frambjóðendur geti valdið embættinu (sem ég held að flestir þeirra geti) og hvort þeir séu það sem breskir kalla "fit and proper person". Í því felst m.a. óflekkað mannorð.

Mín færsla er kannski hallærisleg en ég bendi ykkur á að lesa þetta. Íris setur fram sitt sjónarhorn, sem ég tel fullgilt.

[Magnús Helgi Björgvinsson, 27.6.2012 kl. 10:59]

Oj bara! Svona færslur sýna hvernig umræðan á Íslandi er í dag! Sé ekki hvað unglingaslagsmál og erfiður skilnaður hefur nokkuð með Forsetakonsingar að gera?  Held að það sé ekki holt að vísa í Írisi Erlingsdóttur sem situr í Bandaríkjunum eins og á launum við að drulla yfir Þóru. Spurnng á hvers vegum eða hvort að hún eigi einhverja harma að hefna gagnvart Þóru þær unnu jú á sama markaði.