Þetta er viðvörun. Lokaviðvörun!

Viðtengd frétt er um að Ísland hafi fengið lokaviðvörun. Við hverju er varað? Hvað skal gera? Það er eftirlitsstofnun EFTA sem sem sendir okkur þessa viðvörun ...

... vegna innleiðingar tilskipunar um gerðarviðurkenningu vélknúinna ökutækja með tilliti til endurnotanleika, endurvinnanleika og endurnýtanleika þeirra í því skyni að laga hana að tækniframförum.

Nú jæja! Skilur þú þetta?

Hvað er "gerðarviðurkenning"? Er orðið til í orðabók? Hver er munurinn á endurnotanleika, endurvinnanleika og endurnýtanleika? Og hver er þessi hún sem á að laga að tækniframförum? 

Ég veit að þetta er þýtt beint úr brusselsku, en það mætti snara þessu yfir á mannamál í leiðinni, þannig að óbreyttir lesendur Mbl.is skilji hvers konar lokaviðvörun þjóðin var að fá. Svona ekta möppudýramál er illskiljanlegt, í besta falli.

 

Ísland fær lokaviðvörun

Athugasemdir

[Helga Kristjánsdóttir, 26.6.2012 kl. 01:08]

Hjartanlega sammála.

[Jón Þór Helgason, 26.6.2012 kl. 01:38]

Gerðarviðurkennig er skráningarnúmer bíls sem segir hvar hann er framleiddur og hvenær. Því miður hefur lenska íslenskra bifreiðaumboða að skrá bíl miðað við daginn sem hann kemur á götuna en ekki daginn sem hann er framleiddur. Til eru dæmi þar sem bíll er sagður vera tveimur árum yngri en hann er í raun. Ástæðan var sú að bíllinn var framleiddur árið 2007 en fór á götuna árið 2009.

[Sævar Óli Helgason, 26.6.2012 kl. 05:38]

Ég þakka Jóni Þóri fyrir útskýringuna... Eða tilraunina því ég er engu nær...

[Gunnar Heiðarsson, 26.6.2012 kl. 09:44]

Fyrir ekki svo mörgum árum síðan kom alltaf fram í skráningarvottorði bifreiða bæði framleiðsluár og fyrsti skráningardagur. Reyndar er formið á skráningarvottorðum enn með sama hætti.

Það var svo einn góðann veðurdag sem hætt var að skrá framleiðsluár í vottorðið og ef ég man rétt var það vegna einhverrar tilskipunar frá Brussel.

Þessi skýring þín dugir því skammt Jón Þór.

Þar sem engin framleiðsla er á bifreiðum á Íslandi, hefði maður haldið að upplýsingar um allan þennan endanleika eða endalok þeirra ætti að koma frá framleiðendum eða framleiðslulandi. 

[Jón Þór Helgason, 26.6.2012 kl. 10:22]

Sæll

ég vinn í þessum geira.

Það er alveg undir hælinn lagt framleiðsluár séu sett í skráningarskirteinið. Umboðinn sjá um þetta. ég er með fyrir framan mig skráningarskirteini þar sem vantar framleiðsluár. Gerðarviðurkennigarnúmer eru bæði í Evrópu og í USA, ég held þó að uppbygging þeirra í USA sé önnur en þeirra Evrópslu.

ég er ekki mæla reglum um þetta bót en yfirvöld ættu að tryggja að neytendur geti fundið út hvaða tegund bíllin er, sérstaklega til tilliti með að finna varahluti.

Tilgangur með að hafa gerðaviðurkenningarnúmer er að auðvelda neytendum að finna varahluti í bílinn sinn. hinsvegar ætti ekki þurfa annað en reglur um neytendavernd til en ekki lög frá ESB.

Vissuð þið sem dæmi að umboðum ber skilda að láta ykkur hafa framleiðslunúmer á varahlutum sem ykkur vantar án endurgjalds? það eru brögð að því umboð vilji ekki láta þessar upplýsingar frá sér til að gera viðskiptavinum erfitt fyrir.

[Óskar Arnórsson, 26.6.2012 kl. 20:56]

Föðurbróðurmóðursystur ömmu minnar sagði að þessi reglugerð væri þvæla. Ég hitti hann á miðilsfundi og hann talaði um gerðarbeiðnir sem væru sendar vegna sorteringsmála vélknúinna þingmanna sem hefðu gaman af svona endurvinnulegum gerðarviðurkenningum.... bla bla bla..

Ég var nærri fallin á ökuprófi vegna þess að ég vissi ekki að sírofi væri platínur. Þessi íslenska er algjörlega óþolandi mál enda mán á háskólalaunum við að rugla í mállýskunni í stað þess að einfalda hana.

Þetta þýðir bara bílskáning og í besta falli nýskráning enn íslenski mállýskufræðisnobbskúltúrinn er að delera eins og venjulega og nota öll trix til að koma íslensku rugli á framfæri.

Það á ekki að þurfa að taka með sér íslenskufræðing til að geta keypt varahluti í bílinn. Annars væri best að leggja íslenskuna niður og taka upp eitthvað alvörumál í staðin ...

[Benni, 27.6.2012 kl. 13:24]

Áhugaverðar upplýsingar Jón Þór, takk fyrir að fræða okkur um þetta.

Varðandi þennan hluta pistils þíns:

"Vissuð þið sem dæmi að umboðum ber skilda að láta ykkur hafa framleiðslunúmer á varahlutum sem ykkur vantar án endurgjalds? það eru brögð að því umboð vilji ekki láta þessar upplýsingar frá sér til að gera viðskiptavinum erfitt fyrir."

Þá hef ég akkúrat leitað til eins umboðsins sem tjáði mér að þeir mættu ekki veita mér þessar upplýsingar.

Getur þú nokkuð aðstoðað mig með því að benda mér á hvar ég get fundið þessa greinagerð/reglu sem skyldar þá til þess að útvega mér þessar upplýsingar?