Nei sko, Frankenstein að hressast!

Doktor Frankenstein er hressari í dag en í gær. Sköpunarverk hans sýnir aftur lífsmark. Í japönskum hjólastól og með kínverskan súrefniskút nær hann að komast fram á gang, en getur þó ekki borðað hjálparalaust.

Reynt verður að redda matargjöfum frá Noregi og hækjum frá Rússlandi. Á meðan aðstoðar Dr. Merkozy við að veita Eurozone Monster Unit (EMU) aðhlynningu, hjálpar honum að baða sig og les fyrir hann blöðin.
 

  
En tíminn er naumur. Eftir eina viku, 3. nóvember, þarf Dr. Merkozy að greina formlega frá sköpunartilraunum Frankensteins á læknaþingi í Cannes. Vonast hann til að geta sannfært herra Obama um að kvikindið getið staðið upp.

Þar verða saman komnir 20 helstu sérfræðingar heimsins í evru-skaða og uppvakningum. Þeir vara við of miklum væntingum, uppvakning af þessari stærðargráðu hefur aldrei verið reynd áður, svo vitað sé.

Obama fagnar samkomulagi evruríkjanna

Athugasemdir

[Jón Steinar Ragnarsson, 28.10.2011 kl. 03:04]

Vert að hafa í huga að á meðan kaninn telur Evruna ógna stöðu dollars á heimsmarkaði, þá fær hún ekki að rísa. Þessi orrusta er á fleiri levelum en margur heldur.

Nú er það blessað fjórfrelsið sem gerir út um virðreisn Grikkja og tryggir keðjuverkanina.  Vittu bara til. Þeir þurfa að afnema það til að koma í veg fyrir þetta. Höft, krana og lokur á allt. Þá er líka Evrópusambandið farið.