Bréf frá Hong Kong til Samfylkingarinnar

Þessi texti var ritaður í Hong Kong fyrir 11 árum og birtur á Gold Digest. Hann á fullt erindi inn á landsfund Samfylkingarinnar. Og alla fundi Samfylkingarinnar.  

Evran er fiat-gjaldmiðill og hana hrjáir sami veikleiki og aðra fiat-gjaldmiðla, eins og að engin hlutlæg takmörkun er á framboði.

Að auki hefur evran sín sérstöku vandamál. Þar vegur þyngst að ekki er hægt að marka peningastefnu sem mætir þörfum ólíkra notenda í Efnahags- og myntbandalaginu (EMU).

Mismunandi hagvöxtur, verðbólga og atvinnuleysi milli aðildarríkjanna, sem og ólíkt skatta- og rekstrarumhverfi, þýðir að "sama stærð fyrir alla" stefnan mun að lokum lenda á gríðarlegri hindrun.
 

Menn hafa hrópað aðvaranir við gallagripnum í meira en áratug, úr öllum heimshornum. Sú tegund manna sem hefst við á Hallveigarstíg eða býr á efstu hæðum fílabeinsturnanna í Brussel hefur gætt þess vandlega að heyra ekki.

Nú sitja þeir uppi með vanda sem ekki verður leystur nema með aðgerðum sem almenningur í Evrulandi getur aldrei sætt sig við, en verður látinn sætta sig við.

----- -----

Ef þú vilt lesa alla greinina þá heitir hún The Fall and The Fall of the Euro og var rituð af Steve Saville, sem fjallað hefur um peninga, fiat-gjaldmiðla, gull og fleira í rúma tvo áratugi. Hann er Ástrali, búsettur í Hong Kong sem á engra hagsmuna að gæta í Evrópu og fjallaði um evruna sem hlutlaus fræðimaður eingöngu.

Jóhanna sjálfkjörin

Athugasemdir

[Sigurður Haraldsson, 23.10.2011 kl. 07:45]

Þetta er vitað og nú þegar komið í ljós! Hvers vegna förum við ekki í tugum þúsunda og hendum henni út!

[Haraldur Hansson, 23.10.2011 kl. 11:26]

Þakka þér innlitið.

Þetta fer að verða hættuleg sorgarsaga. Á Sky í morgun hafa verið stanslausar fréttir af evru-vanda. Þegar menn svo héldu að eitthvað jákvætt væri við sjóndeildarhringinn kom þessi frétt og nýja þýska hindrun, sem Spiegel Online segir frá í dag. Og svo er atkvæðagreiðsla í breska þinginu á morgun um þjóðaratkvæði.