Jæja Össur, var evran bara þýðingarvilla?

Þegar Össur kom heim af fundi í Brussel, fyrr á árinu, færði hann þjóðinni fréttir sem hann taldi góðar. Það væri að vísu erfitt sumar framundan fyrir evruna, en hún kæmi sterkari út úr þeim hremmingum strax í haust.

Og núna er komið haust. Október.

Var þetta kannski bara þýðingarvilla?

Sjálfur Olli Rehn evruráðherra fullvissaði Össur um að allt yrði í allra besta lagi. En Rehn er finnskur og Össur brusselskur og alltaf hætta á tungumálaörðugleikum.

Olli Rehn á frábæran talsmann sem er engu síðri en hann sjálfur, en ég veit ekki hvaða tungumál hann talar.

Heilsa evrunnar hefur aldrei verið verri. Hún er búin að vera og "Evra 2" í smíðum í Brussel. Reikningurinn hleypur á billjónum. Eða trilljónum. 

Mikið er nú gott að fá þennan styrk.

Össur hlýtur að nýta eitthvað af styrknum góða til að láta þýða svörin frá Olli Rehn. Þá getur hann eytt misskilningnum og útskýrt örlög evrunnar fyrir þjóðinni.

Jafnvel æft sig í að segja satt í leiðinni.

 

Fá 233 milljón styrk frá ESB

Athugasemdir

[Vendetta, 1.10.2011 kl. 23:26]

Nýlega benti bloggari á það að íslenzk þýðing á Lisaabon-sáttmálanum væri morandi af villum. Var það ekki Þýðingarmiðstöðin sem stóð fyrir því? Samt á að ausa meira fé í þessa vonlausu þýðendur.

Hvers vegna ekki taka skrefið fullt og ráða þýðendurna af Stöð 2? Þá mun ekki standa steinn yfir steini, enda eru þeir verstu þýðendur á landinu. Verri en Google.

[Guðni Karl Harðarson, 2.10.2011 kl. 00:28]

Strákar sjáið þið tjáninguna á Össuri (með hendur í vösum). Tékkið á því hvaða skilaboð það segir í líkamstjáningu. Hvort er hann í vasabilljard eða sýnir óöruggi? Eða kannski kominn með EVRUlúsina? HA?

[Birgir Gudjonsson (IP-tala skráð) 2.10.2011 kl. 07:09]

Mér hefur allaf verið sagt að, menn með hendur í vösum eru latir og óhæfir í vinnu.

Sannast þarna heldur betur !

[Haraldur Baldursson, 2.10.2011 kl. 21:16]

Össur hefur engin merki sýnt á sínum ferli að vera á nokkurn hátt sligaður af þörf á að miðla sannleikanum. Hann mun ekki eiga erfitt með að tala sig í kringum þetta, án þess vitanlega að segja nokkurn skapaðann hlut.