50.000 blaðsíður

Það er kreppa. Niðurskurður og skattahækkanir. Versnandi lífskjör.

Hvað er þá betra en að eyða 427 milljónum í að þýða 50.000 blaðsíður af lagatexta frá Brussel?

Ef hér væri allt í lukkunnar velstandi væri umsókn Samfylkingarinnar um ESB aðild kannski skaðlaus, jafnvel brosleg. En þetta er löngu hætt að vera fyndið. Er bara sorglegt.

Þetta er umsóknin sem stendur í vegi fyrir réttlátri niðurstöðu í IceSave. Það sjá allir samhengið.

Það er ekki nóg að gagnrýna Brown, eftir að búið er að samja af sér. Það lagar ekkert. Fari Samfylkingunni ekki að batna ESB sóttin fljótlega kæmi mér ekki á óvart að hún eigi eftir að skaða hana alvarlega áður en yfir lýkur.

 

Jóhanna gagnrýnir Brown

Athugasemdir

[Jón Steinar Ragnarsson, 6.10.2009 kl. 15:26]

12 metra stafli af A4. Hver skyldi vera með á hreinu hvað þar stendur?

[Haraldur Hansson, 6.10.2009 kl. 17:22]

Tólf metrar af torfi er ekkert áhlaupaverk. Meter á mánuði í eitt ár. Bingó!

Ég nota lagasafn sem er tomma á þykkt. Um helmingur þess varðar mitt verksvið, hinn helminginn þarf ég ekki að kunna nema lauslega. Það tók mig nokkur misseri að tileinka mér lögin og skilja til fulls (og þau halda alltaf áfram að breytast).

Í maí 2009 hafði EU Court kveðið upp 10.322 úrskurði sem hafa lagagildi (fordæmisgildi). Skyldu þeir vera meðtaldir í 12 metrunum?

[, 6.10.2009 kl. 20:42]

Held það væri nær að nota þessar milljónir í uppbyggingu á Íslandi.

[Kristinn Snævar Jónsson, 6.10.2009 kl. 22:28]

50.000 blaðsíður af lagatexta segja mikið um báknið sem örvita umsóknarsinnar þrá að setja land sitt inn í og undir.
Þeim er greinilega um megn að ímynda sér hvers lags þjóðfélagslíf það er að hafa þann her manna yfir sér sem þarf til að framfylgja öllu því sem þar stendur, að ekki sé nú talað um þegnana sem varla hafa á hreinu hvað er á sjónvarpsdagskrá kvöldsins hverju sinni, hvað þá meira.

Hitt er í ofanálag veruleikafirring á háu stigi að bjóða þjóðinni það á þessum niðurskurðartímum að fleygja fjármunum og tíma í þessa óhemju vinnu sem aðeins mun skila "nei" í þjóðaratkvæðagreiðslu um málið þegar þar að kemur. Þetta á ekki að viðgangast í dag. Á sama tíma er lagt til í alvöru að fækka í hjúkrunarliði Landspítalans sökum fjárskorts! Hætta að hjúkra fólki eins og verið hefur. Eru bara tveir "réttlátir" á Alþingi?