Koma svo! Áfram Ísland.

Það mætti breyta fyrsta orðinu í þessari frétt og segja "Miklu fleiri ..." í staðinn fyrir "Heldur fleiri ..."

Þeir sem eru óánægðir með hina ótímabæru umsókn Össurar um ríkisborgararétt í Evrópuríkinu eru 50 af hverjum 100 á meðan 33 eru ánægðir en 17 hlutlausir. Séu aðeins teknir þeir sem taka ákveðna afstöðu eru 60 á móti og 40 með. Sem sagt, það eru 50% fleiri á móti þessari skelfilegu ESB umsókn en fylgjandi. Það er meiri munur en svo að hægt sé að tala um "heldur fleiri".

Þetta er undirstrikað þegar spurt er hvernig menn myndu greiða atkvæði um aðild Íslands að ESB. Þá myndu 61,5% segja nei en 38,5% já.

Þetta er allt á réttri leið. Skynsemin mun hafa sigur að lokum. Ekki ætla ég að spá 63:0 eins og Ögmundur lét sig dreyma um í IceSave málinu, til þess eru kratar of margir. En 75-80% andstaða við þetta ESB-glapræði væri ásættanlegt.

 

Fleiri andvígir en hlynntir ESB-aðild

Athugasemdir

[joi (IP-tala skráð) 15.9.2009 kl. 13:06]

Þetta er rétt Haraldur. Þessi frétt er full af staðreyndarvillum. Sá sem skrifaði þessa grein hefur svo sannarlega gert í ESB heyið.

Hafa Íslendingar sótt formlega um inngöngu í ESB? Hafa þeir eingöngu sótt um að fara í viðræður, og leggja svo samning um það sem kemur út úr viðræðum í dóm landsmanna um hvort ganga eigi í ESB?

Það þarf að hafa þetta á hreinu, hvort búið sé að sækja um ESB aðild, eða hvort búið sé að sækja um aðildarviðræður. Þarna er gríðarlega stór munur á. Kannski að forsætisráðherran hafi ekki náð að stauta sig fram úr þessu torfi sem textinn er, og klúðrað álíka og Indriði og Svavar klúðruðu Icesave? Hver veit?

Eitt er amk víst, blaðamaður moggans hefur ekki fengið háa einkunn í prósentureikningi. Sá sem lætur taka sig svo rækilega í bólinu á svona einföldu prófi á ekki mikið inni. Kannski ekki skrýtið að blaðið sé að tapa peningum hvern einasta dag með svona slappri fréttamennsku?

[Páll Blöndal, 15.9.2009 kl. 13:15]

Léttvægt og ómarktækt
Enn eina ferðina er verið að spyrja um eitthvað sem liggur ekki fyrir.

[Haraldur Baldursson, 15.9.2009 kl. 13:16]

Það er alveg sérstakt við þessa frétt að Mbl, aldrei þessu vant, tekur ekki tillit til þeirra sem svöruðu. Yfirleitt er sú niðurstaða tilgreind sérstaklega en ekki hér.... hver vegna skildi það vera ? Er Mbl kannski litað í þessu máli ?

Ef tekið er tillit til þeirra sem afstöðu taka þá er þetta nefnilega 60% á móti, en 40% með... en Mbl hefur ekki áhuga á svoleiðis niðurstöðu...eða hvað ?

[Björg F (IP-tala skráð) 15.9.2009 kl. 14:31]

Joi

Íslendingar hafa sótt formlega um aðild að ESB - það er ekki hægt að sækja um að fara eingöngu í viðræður.

En alveg sama hvað við fáum svo sem út úr þeim viðræðum, það skiptir ekki máli. því það er aðeins og eitt sem við fáum ef við samþykkjum þann samning og það er : ESB .. það er nákvæmlega það sem við fáum..

Ef svo fer þá segi ég mig úr lögum við Ísland og stofna fríríki á þeim bletti sem ég á samkv. lögum. Það skal engin neyða mig til þess að fara undir þennan fána Kapítalista auðvalds og ólýðræðis. Nei takk.

annars.. ánægjuleg skoðanakönnun.. svo ég get kannski bara slakað á :D

[Haraldur Hansson, 15.9.2009 kl. 18:14]

Takk öll fyrir innlitið og athugasemdirnar.

Joi: Eins og Björg F bendir á sótti Ísland formlega um aðild að ESB, enda ekki hægt að sækja um viðræður. Ég tek undir með þér að fjölmiðlun er því miður ekki nógu öflug og á það ekki síst við um ESB umfjöllun.

Björg: Þó að þessi skoðanakönnun gefi ástæðu til bjartsýni verða menn að halda vöku sinni og gera allt til að koma í veg fyrir að Ísland slysist inn í ESB.

Nafni: Ef við afgreiðum spurningu 3 á sama hátt og sleppum "sennilega" hópnum þá er þetta góður sigur; Ísland 71% og ESB 29%. Vona að þróunin verði áfram í rétta átt.

[Haraldur Hansson, 15.9.2009 kl. 18:17]

Páll: Hvað liggur ekki fyrir?

Ísland sótti um aðild að ESB og gerði það formlega. Spurning númer 1 er einmitt um það og er orðuð svona:

Ertu ánægð(ur) eða óánægð(ur) með að ríkisstjórn Íslands hefur sótt um aðild að Evrópusambandinu (ESB)?

Ef umsóknin verður ekki dregin til baka og málinu þvælt alla leið í að greiða atkvæði um aðild, þá er það annað mál. Spurning 3 er um það, en í færslunni er fjallað um spurningu númer 1 í könnuninni og svörin við henni.

[ElleE (IP-tala skráð) 15.9.2009 kl. 22:51]

Fullar líkur eru á að einvaldurinn J. Evrópa Sig. muni ekki virða einu sinni 90 gegn/10 með.  Og VG fylgja að sjálfsögðu með einvaldinum eins og vanalega.  Munið, þeir KUSU að vilji þjóðarinnar væri ekki bindandi!?  Það þarf að fjarlægja einvaldinn.