TOYOTA - tákn um gæði

Í október lánuðu Færeyingar okkur 6 milljarða. Það var neyðarlán.
Núna afskrifar Landsbankinn margfalda þá upphæð fyrir þyrlukarl.

Það er ekki í mannlegu valdi að bæta fólki það sem gerðist í bankahruninu sagði ráðherrann Árni Páll Árnason fyrir tveimur vikum (hér). Ekki er hægt að ráðast í niðurfærslur almennra skulda. Yfirlýsingin var alveg þvert á það sem sami ráðherra sagði í júlí (hér), en það var áður en að hann fattaði að það er AGS sem stjórnar, en ekki ríkisstjórnin.  

Það eina sem er í mannlegu valdi er að afskrifa kúlulán og almennilegar milljarðaskuldir. Hvað skyldi Færeyingum finnast um þetta?

Enn hef ég ekki rekist á staðfestingu frá Landsbankanum á að frétt DV sé rétt. En sé hún það væri slíkur sóðaskapur efni í uppreisn einhvers staðar.

 

Gamli Landsbankinn afskrifar skuldir Magnúsar

Athugasemdir

[Billi bilaði, 18.8.2009 kl. 12:49]

TOYOTA - tákn um græðgi... ?

[Haraldur Baldursson, 18.8.2009 kl. 14:00]

Er verið að reyna allt til að framkalla byltingu í landinu ? Þessi botnlausi viðbjóður finnur sér nýjar dýptir daglega. Ég spyr mig stundum, trúir fólk því ennþá á Jóhanna Sigurðardóttir sé að vinna fyrir lítilmagnann. Ég reikna með að greyið hann Magnús Kristínsson trúi því, en hvað með ykkur hin ?

[Elle_, 18.8.2009 kl. 15:03]

Það er efni í byltingu, hvorki meira né minna.  Ríkisbankinn skal ekki voga sér að gefa auðmönnum upp einn eyri, hvað þá milljarða á milljarða ofan og miklu stærri en neyðarlán færeyska ríkistins.   Já, nú á að rukka landsmenn fyrir milljarða skuldina hans og bæta ofan á milljónirnar sem hefur nú þegar verið bætt ofan á skuldir fólksiins!   Hví getur ekki bila-draslið hans farið lóðbeint á hausinn eins og "almennings-lýðurinn"?   Og er hann ekki líka kvóta-kóngur?   Einn auðkýfingurinn enn sem við almenningur þurfum að sligast undir?   Já, hvað ætli Færeyingum finnist?   Nú þurfum við að láta Færeyinga vita.   Og hvað er hinn mannfyrirlitningar og ófélagslegi og svokallaður félagsmálaráðherra E- og Icesave-flokksins að hugsa?   Og hvað finnst AGS sem stendur fyrir bankaráni og kúgun á alþýðu og heimilunum?  Grátlega óþolandi að við búum enn í gjör-spilltu landi með gjör-spillta banka og gjör-spillt yfirvöld.   Bankinn getur ekki gert þetta. 

[Haraldur Hansson, 18.8.2009 kl. 16:39]

Takk öll fyrir innlitið og athugasemdirnar.

Það var ekki að ástæðulausu að ég nefndi að staðfestingu á frétt DV vantaði. Nú hefur upplýsingafulltrúi gamla LÍ komið fram og sagt að engar skuldir Toyota bóndans hafi verið afskrifaðar.

Er þetta yfirklór sem gripið er til eftir að málið komst í hámæli eða er þetta hið sanna í málinu? "Fyrst verður gengið að veðum" segir fulltrúinn. Skyldu þau vera betri en "veðin" sem fram komu í lánabók Kaupþings?

Ég er enn á því að DV hafi haft sitthvað til síns máls.

[Brjánn Guðjónsson, 18.8.2009 kl. 19:13]

það er ekki amalegt að vera ráðherra og kunna þá list að tala með rassgatinu

[hilmar jónsson, 18.8.2009 kl. 20:49]

Þetta er góð samlíking hjá þér Haraldur.