"ÞJÓÐINA Á ÞING" sögðu þau

Kjörorð Borgarahreyfingarinnar í kosningunum var Þjóðina á þing.

Mikið er fjallað um hvernig fulltrúar O-listans greiði atkvæði í ESB málinu. Nú er ekki pláss í þinghúsinu fyrir þá 227.896 sem hafa atkvæðisrétt. Og enn síður alla þá 319.368 sem búa á Íslandi.

Það sem þau geta komist næst því að setja "þjóðina á þing" er að efna til þjóðaratkvæðagreiðslu, sem er eðlilegt að gera í lýðræðisríki þegar mjög stór mál eru til umfjöllunar. Í Sviss var haldin þjóðaratkvæðagreiðsla um hvort sækja skyldi um aðild að ESB.

Aðild að ESB er stærsta mál sem Alþingi hefur fjallað um frá stofnun lýðveldisins. Bara það að sækja um er svo stórt mál að það réttlætir fullkomlega þjóðaratkvæðagreiðslu. Þess vegna var það gert í Sviss.

Hvort er Borgarahreyfingin nær því að standa undir kjörorði sínu

• með því að samþykkja að sækja um aðild án umboðs frá þjóðinni?
• með því að leyfa þjóðinni að ráða í almennum lýðræðislegum kosningum?

Ef meirihluti þjóðarinnar segir já í kosningum um aðildarumsókn er búið veita stjórnvöldum óumdeilt umboð til að sækja um. Eftir allt fúskið og klúðrið veitir okkur ekki af að temja okkur fagleg vinnubrögð og vandaða stjórnsýslu. Þjóðaratkvæði um aðildarumsókn að ESB væri verðugt fyrsta skref. Það er ekkert hættulegt við lýðræði, því ekki að nota það?

Bara ekki skora sjálfsmark.

Rætt verður til þrautar

Athugasemdir

[Valsól (IP-tala skráð) 15.7.2009 kl. 17:56]

Tíu mínutum fyrir kosningar skrifaði Þór: “Stefna Borgarahreyfingarinnar í Evrópumálum er að ekki sé hægt að taka afstöðu til málsins nema að undangengnum aðildarviðræðum..Að..kynningu lokinni yrði svo samningurinn borinn undir þjóðaratkvæði.”
Og síðar bætti hann við: “Sá fyrirsláttur Sjálfstæðisflokks að það þurfi fyrst að kjósa um aðildarviðræður er ömurleg birtingarmynd kjarkleysis þeirra sem ekki einu sinni þora að viðurkenna að þeir hafi skoðun á móti ESB.”

 Látið póstinn berast svo fólk geti áttað sig á hvaða skítalið það er sem stýrir þessari svo kölluðu borgarahreyfingu.

Svikari!

[Freyr Þórarinsson (IP-tala skráð) 15.7.2009 kl. 18:02]

Sviss er varla eðlilegt land til samanburðar, því þar eru þjóðaratkvæðagreiðslur mjög tíðar. Þær eru þar liður í beinu lýðræði, sem er ætlað meira hlutverk en víðast annars staðar.

Wikipedia segir: "By calling a federal referendum a group of citizens may challenge a law that has been passed by Parliament, if they can gather 50,000 signatures against the law within 100 days. If so, a national vote is scheduled where voters decide by a simple majority whether to accept or reject the law."

Engar aðrar þjóðir hafa mér vitanlega greitt atkvæði um umsókn, heldur hefur verið látið duga að kjósa um aðildina þegar skilmálarnir liggja fyrir. Dæmið frá Sviss breytir því ekki að það er hin venjulega leið. Umræður um það hvort beint lýðræði að hætti Svisslendinga sé betra en okkar þingræði eru annað mál.

[JR (IP-tala skráð) 15.7.2009 kl. 20:05]

Það er orðið heldur léleg rökin hjá mönnum . 

Sjáið hér þessi :

,,Sviss er varla eðlilegt land til samanburðar,.."

 Það virðist vera alveg sama hvað sagt eða sett á blað, þá kemur einhver með réttlátu skoðunina og fellir sleggjudóm !

Það er með skoðun framsóknarmanna, hún er orðin svo ,,rotin"  að það er miklu meira en migla ! 

[Ingveldur Eiríksdóttir (IP-tala skráð) 15.7.2009 kl. 20:11]

Einmitt vegna þess að við viljum ekki fúsk þá ættum við að hefja viðræður, fá samning sem við VITUM hvað stendur í og kjósa þá en ekki um eitthvað sem enginn veit hvað er!  Hvernig eigum við í ósköpunum að vita hvernig við eigum að kjósa þegar við vitum ekkert um það?  Og ekki segja - við vitum allt um það!  Það eru afskaplega skiptar skoðanir og rangfærslur upp á borðinu - til þess að ná þeim út þá þurfum við eitthvað fast í hendi.

[Jón Valur Jensson, 15.7.2009 kl. 21:11]

Það má kannski byrja á því að fræða þig um það, fr. Ingveldur, að með "aðild" = innlimun í bandalagið væri verið að gera Alþingi að 3. flokks undirþingi og undirtyllu Evrópubandaagsins. Þeir, sem það kjósa, eru með landráðahugarfari.

ÁFRAM ÍSLAND, EKKERT ESB!

[Haraldur Baldursson, 16.7.2009 kl. 10:09]

Máttur orðanna er mikill... ESB-sinnar hafa náð að smyrja sakleysi á þennan gjörning. Orðið "Aðildarviðræður" er svo mjúkt og dregur úr eiginlegri merkingu gjörninginsins.
Við erum að sækja um ESB ef við hefjum þessar viðræður.

[Haraldur Hansson, 16.7.2009 kl. 12:04]

Takk öll fyrir innlitið og athugasemdirnar.

Freyr: Hvers vegna er "varla eðlilegt" að bera sig saman við ríki þar sem stundað er beint lýðræði? Borgarhreyfingin er miðpunktur færslunnar og hún var beinlínis stofnuð utan um kröfuna um beinna lýðræði, bættari stjórnsýslu og öflugra Alþingi.
Hvað er betra, til að ná þessum markmiðum, en að nota beint lýðræði? Og ef ekki í þessu stærsta máli lýðveldissögunnar, hvenær þá?

Jón Frímann: Ég er ekki að vísa til málsins frá 1992 heldur þjóðaratkvæðagreiðslunnar sem fram fór í Sviss um "EU accession" í mars 2001.