100 milljónir á dag

 

Spurning: Hvað er hægt að gera fyrir 100 milljónir á dag?

Svar: Borga vextina af IceSave skuld.

Eftir að hafa horft á Kastljós í gær legg ég til að byrjað verði upp á nýtt á IceSave viðræðum og að þær verði á forræði Sigmundar Davíðs. Aldrei hefði mér dottið í hug að ég ætti eftir að sitja við sjónvarpið og klappa fyrir Framsóknarmanni, en ég gerði það í gærkvöldi.

 

Bretar fagna Icesave-samningi

Athugasemdir

[Haraldur Hansson, 6.6.2009 kl. 16:09]

Óskar, sástu Kastljósið? Það eru til lýðskrumarar í öllum flokkum. Sigmundur Davíð talaði um málið af dýpri þekkingu en aðrir stjórnmálamenn sem ég hef heyrt til og helgast það eflaust af þátttöku hans í Indefence-hópnum, þar sem hann hefur orðið að setja sig vel inn í málin.

Mér liði betur að vita af málinu á hans forræði en flestra annarra. Það hefur ekkert með Framsókn að gera, skoðun hans á íbúðalánum, stefnu í landbúnaðarmálum eða með hvaða liði hann heldur í enska boltanum. Heldur þekkingu á IceSave.

Það var meðal annars talað um óvissuna um lagalegar skyldur. Bendi á þessa frétt á Eyjunni þar sem Stefán Már Stefánsson prófessor við lagadeild Háskóla Íslands segir "að ekki séu lagalegar forsendur fyrir því að íslenska ríkið greiði Icesave-skuldirnar".

Sjá líka endurskoðun ríkisreiknings (bls. 9):

Fella ætti Tryggingasjóð innstæðueigenda og fjárfesta úr D-hluta ríkissjóðs. Sjóðurinn getur með engu móti talist eign ríkisins og það ber heldur ekki ábyrgð á skuldbindingum hans.

Þessa athugasemd hefur Ríkisendurskoðun gert árlega í nokkur ár, en ekkert verið aðhafst af hálfu stjórnvalda.

Með setningu neyðarlaga í haust var forgangi kröfuhafa í þrotabú bankanna breytt. Gæti það leitt til málaferla? Með hvaða afleiðingum?

Nefni þessi atriði sem dæmi um lausa enda og álitamál, sem sýnir hvað málið er snúið. Á meðan ekki kemur fram fullgild skýring á hvers vegna öll óvissan skuli tryggð af ríkissjóði Íslands er eðlilegt að menn séu tortryggnir.

[Jón Steinar Ragnarsson, 6.6.2009 kl. 16:51]

Framreiknað eru þetta 218 milljónir á dag í 15 ár. Óþarfi að fegra þetta.

[Jón Á Grétarsson, 6.6.2009 kl. 16:51]

Sammála þér Haraldur.  Sigmundur er útskrifaður sem skipulagshagfræðingur og hefur verið við nám í Moskvu og Oxford að mér skilst.  Þannig að hann hefur þekkingu  á þessum málum ásamt því sem þú segir að hann hafi verið í Indefence hópnum. Það er mjög skiljanlegt að hann hafi verið kosinn formaður í framsókn nánast korteri eftir að hann gekk í flokkinn.

[Haraldur Baldursson, 6.6.2009 kl. 17:58]

630 milljarðrar á 5,5% vöxtum í 7 ár eru 916 milljarðar

[eggert rúnar birgisson (IP-tala skráð) 6.6.2009 kl. 22:29]

Ef þetta verður samþykkt á alþingi sem ég vona alls ekki að verði gert þá fyrst sýður upp úr,það er alveg á hreinu!

[Inga (IP-tala skráð) 7.6.2009 kl. 00:54]

Það eru 333 krónur á mann á dag miðað við að hér verði 300.000 Íslendingar (hinir verða fluttir til Kanada). Hvers vegna í helvede eigum við að borga þetta? Til þess að komast í ESB??? Þá vildi ég frekar velja ESB laust land takk fyrir. Og hvers vegna eigum við að greiða 5,5% vexti þegar Bretar hafa haldið milljörðum hjá sér sem Landsbankinn á vaxtalaust? Þeir sitja örugglega og hlæja að vitleysunni í Íslendingunum að hafa samþykkt svo háa vexti að annað hefur varla sést á Bretlandi.

[Haraldur Baldursson, 7.6.2009 kl. 10:30]

Það er eins og þjóðin frá ungum til aldinna, tæki upp á því að reykja pakka á dag. Sumum finnst það dýrt.

[Haraldur Hansson, 7.6.2009 kl. 12:38]

Takk öll fyrir innlitið og athugasemdirnar.

Þessar 100 milljónir eru bara vextirnir sem byrja að tikka daginn sem samningurinn er staðfestur. Sé að sumir eru búnir að reikna dæmið lengra sem gerir útkomuna svartari. Enginn veit þó hve stór hluti höfuðstólsins mun koma til greiðslu.

Það sem veldur ekki síður áhyggjum eru neyðarlögin. Með þeim var forgangi kröfuhafa í þrotabú bankanna breytt. Sé hvergi umfjöllun um það eða hvaða afleiðingar það getur haft. Kostar það málaferli? Bótaskyldu? Kannski annan skell?

Ég veit ekki svarið og finnst ekki líklegt að stjórnvöld komi með "allt upp á borðið" í því efni.

[Haraldur Baldursson, 7.6.2009 kl. 17:58]

Helstu fyrrum stjórnendur bankanna vinna nú sem ráðgjafar. Ég hygg að markverður hluti viðskiptavina þeirra sé væntir sækjendur á bankana (núna ríkið). Það má nefna sem dæmi, að ef SPRON hefði notið sömu lánskjara og svigrúms og Saga Capital (sem fyrir hreina tilviljun hefur skrifstofur í kjördæmi núverandi fjármálaráðherra) hefði það flogið í gegnum sinn skerjagarð, enda búið að ná góðum samningum við lánadrottna. Þessir lánadrottnar ætla að sækja á ríkið.