Hvar á valdið að liggja?

"Við búum í alltof miðstýrðu þjóðfélagi þar sem völd og áhrif liggja öll hjá ríkisstjórninni. Þau liggja öll á höfuðborgarsvæðinu. Það dregur til sín verðmætin. Það dregur til sín lífskjörin. Utan þessa svæðis situr eftir fólk sem á undir högg að sækja. Við verðum að breyta þessu. Það gerist ekki nema við færum valdið aftur út í héruðin."

Þetta segir Kristinn H Gunnarsson og er það í fullu samræmi við niðurstöður Assembly of European Regions (AER), úr rannskókn sem fjallað var um í þessari bloggfærslu í gær. Þá var tilefnið annað en niðurstöður AER ríma vel við það sem Kristinn segir.

Í niðurstöðum skýrslunnar segir m.a. þetta:

The findings suggest that a country's economic performance can be improved with:

- more influence of the regions on the national level
- more independence of the regions from the national level
- more financial competences and resources for the regions
- more competences in:
       (1) recreation and culture
       (2) infrastructure
       (3) education and research
       (4) health care

 

Skýrslan (tenglar í síðustu færslu) er miðuð við stærri ríki en Ísland, en niðurstöðurnar eiga samt erindi til okkar. Ekki síst ef við villumst inn í Evrópusambandið, sem væri algjörlega á skjön við það sem hagkvæmast er samkvæmt skýrslu AER.

 

„Valdið aftur út í héruðin“

Athugasemdir

[Haraldur Baldursson, 4.6.2009 kl. 21:21]

Ég hygg að Bayern hafi sannað þetta undir stjórn Franz Joseph Strauss og fram til okkar tíma. Bayern var nefnilega með vald eins og hvert annað Bundeland til að fara að talsverður leiti með sín mál. FJS rýmkaði til fyrir fyrirtæki og hátækniiðnað og gerði Bayern að ríkasta Bundelandi Þýskalands.
Þetta sama má örugglega gera hér...Vestfirðir gætu sameinað krafta sína með því að sækja fyrirtæki og fólk til síns héraðs...en bara ef stjórnskipan yrði breytt.

[Gulli (IP-tala skráð) 5.6.2009 kl. 11:20]

Sameining sveitarfélaga er einn anginn af þessari miðstýringaráráttu og fólk virðist hreinlega ekki vilja sjá það. Hverju eru íbúar í Grímsey og Hrísey t.d. bættari með því að stjórnvaldið hafi flust til Akureyrar?