Verður TONY BLAIR næsti forseti Íslands?

Tony Blair er líklegastur til að verða fyrsti maðurinn til að gegna hinu nýja forsetaembætti í ESB. Hann verður þá forseti næstu fimm árin, en kjörtímabilið er 2 x 2,5 ár. Ef Íslandsvinurinn Gordon Brown hrökklast frá völdum í Bretlandi og getur ekki "hjálpað" okkur inn í sambandið er gott að vita að forveri hans verður þá tekinn við enn áhrifameira embætti; forsetaembættinu í Brussel.

Blair er aðalhöfundur krata-frjálshyggjunnar, sem Samfylkingin fylgir, svo það ætti að ganga vel fyrir Össur og félaga að fá hann til að "hjálpa" okkur að fá inngöngu. Þar með yrði Tony Blair orðinn forseti Íslands, eins konar.

Það eina sem gæti staðið í veginum er ef Írar kjósa ekki "rétt" í annarri tilraun. Þeir felldu Lissabon samninginn 12. júní í fyrra og verða látnir kjósa aftur í október. Tony Blair getur ekki fengið nýja embættið sitt fyrr en sá samningur er kominn í gegn. Og hann fer í gegn, sama hvað tautar og raular. Ef ekki lýðræðislega, þá finna strákarnir í Brussel einhver önnur ráð. Lýðræðið hefur ekki staðið í vegi fyrir þeim hingað til.

 

Athugasemdir

[Þórarinn Þ Gíslason (IP-tala skráð) 23.5.2009 kl. 10:44]

Sæll Haraldur.

Það skyldi þó aldrei vera ! Ja, svei mér þá !

Kveðja

[Jón Lárusson, 23.5.2009 kl. 10:57]

Svo er spurningin hvort Brown taki við, eins og síðast. Væri ekki frábært ef Brown yrði svo forsetinn okkar .

Auðvitað er þessu bara kastað fram sem lélegum 5 aura brandara. En hins vegar ef við göngum í ESB (það verður ekki nema við samþykkjum Lissabon), þá er þetta enginn brandari, ekki einu sinni fyrir 5 aura. Í ESB þá er þetta nefnilega möguleiki. Utan ESB ráðum við þessu sjálf.