Ef ríkið eignast öll fyrirtækin ...

Þessa dagana eru nýju ríkisbankarnir að taka yfir hvert fyrirtækið á fætur öðru, síðast Icelandair. Stjórnmálamenn í öllum flokkum tala um að æskilegt sé að koma fyrirtækjum ríkisins sem fyrst í hendur nýrra eigenda. Selja þau mönnum sem geta rekið þau á arðbæran hátt.

Ríkið á ekki að reka bókabúðir á samkeppnismarkaði, nógu slæmt er að það fékk viðskiptabankana í fangið. Það eru allir á einu máli um að Landsbankinn á ekki (að þurfa) að reka bókabúð og símafélag, Íslandsbanki að reka verkfræðistofu og flugfélag eða Kaupþing að reka bílaumboð og kjötvinnslu.

Sumir tala um að selja fyrirtækin til starfsmanna. Þeir hafa skilning á rekstrinum og sterkan vilja til að reka þau með hagnaði. Hvatinn liggi í því að þá geti allir starfsmenn notið afrakstursins.

Það virðast allir sammála þessu.

Sömu lögmál gilda um rekstur samfélagsins. Ef íbúarnir sjá um reksturinn sjálfir, eru miklu meiri líkur á að samfélagið sé rekið á hagkvæman hátt þar sem allir geta notið afrakstursins.

Að biðja Brussel að reka Ísland er jafn gæfulegt og að láta Kaupþing reka sláturhús.

Þrátt fyrir þetta vill forsætisráðherra láta möppudýr Evrópuríkisins sjá um að reka Ísland framvegis.

 

Leiði mótun sjávarútvegsstefnu

Athugasemdir

[Páll Vilhjálmsson, 18.5.2009 kl. 22:37]

Bráðsnjöll samlíking, Haraldur, sem keyrir heim punktinn um að hver sé sinnar gæfu smiður. Takk fyrir.

[Gylfi Gylfason (IP-tala skráð) 19.5.2009 kl. 00:17]

Góður. Þetta verður að vera einhverskonar blanda tel ég en sala til starfsmanna er jákvæð virkjun mannsandans og ýtni til sameiginlegrar ábyrgðar á erfiðum rekstrartímum. Það á hinsvegar enginn aur og erlend þáttaka yrði því líka æskileg, ef ekki óhjákvæmileg.