Já, meira svona - minna ESB

Það eina sem vantar í frétt Mbl.is er að taka fram að þessi nýi samningur fellur sjálfkrafa úr gildi, hvað Ísland varðar,  ef landið gengur í Evrópusambandið.

Samningurinn við Kanada tekur gildi eftir 44 daga. Þá verða felldir niður tollar af iðnaðarvörum sem Ísland flytur til Kanada. Auk fríverslunarsamnings var gerður tvíhliða samningur um landbúnað.

Það er hægt að leita sóknarfæra víða um heim. Viðskiptin við Kanada hafa ekki verið mikil hingað til en nýr samningur veitir ný tækifæri. Þeirra á að leita þar sem von er um vöxt og uppgang, eins og í Kanada. Ekki með því að einangra Ísland í Evrópusambandinu, þar sem fá merki er að finna um uppgang næsta áratuginn.

Ef Ísland leggur inn umsókn um aðild í júní, eins og stefnt er að, verður viðræðum við Kína hætt um leið. Þar hyrfi möguleiki á öðru vænlegu sóknarfæri.  

 

Tollar á útfluttar iðnaðarvörur falla niður

Athugasemdir

[Frosti Sigurjónsson, 18.5.2009 kl. 10:24]

Önnur ástæða til að leyna þessari góðu frétt er að hún er alveg á skjön við áróður ESB sinna um að Ísland sé rúið trausti og enginn vilji eiga viðskipti við okkur.