A4

Hvað þarf mörg A4 blöð til að leggja niður Ísland?

Til að uppgjöfin líti betur út skal láta Alþingi fjalla um A4 blaðið fyrst. Það er efni í hressilegt málþóf sem gæti staðið yfir í margar vikur. Heimilin geta bara hinkrað á meðan. 

Gæti orðið stutt kjörtímabil

Athugasemdir

[Axel Þór Kolbeinsson, 5.5.2009 kl. 19:54]

Tókstu eftir því að Jóhanna er ekki eins bjartsýn um tíman sem tekur að komast í ESB og hún var fyrir kosningar.  Þá talaði hún um 1½ ár, en nú um 3 ár eða meir.

[Arnar (IP-tala skráð) 5.5.2009 kl. 20:44]

Magnað hvað ég get verið utan við mig. Heimsótti vini mína bæði í Svíþjóð og Finnlandi og átti þar frábæran tíma án þess að fatta að búið var að leggja bæði löndin niður.

[Brjánn Guðjónsson, 5.5.2009 kl. 23:55]

veit ekki um það en hefðirðu blað, A4, A3, A2, A1, eða hve stórt blað þú þyrftir svo sem. brytir það saman, alltaf til helminga. Þyrftirðu ekki nema ca 47 brot til að þykkt þess næði til tunglsins.

vona þetta komi þér að einhverju gagni.

[Haraldur Hansson, 6.5.2009 kl. 09:34]

Sælir allir og takk fyrir innlitið.

Arnar: Auðvitað eru lönd ekki lögð niður í orðsins fyllstu merkingu en fullveldið hverfur. Og það ert ekki bara þú sem fattaðir það ekki, margir Svíar og Finnar fatta það ekki heldur. Ekki ennþá.

Í síðustu viku brýndu sænsk dagblöð það fyrir almenningi að kjósa til Evrópuþings, af því að stjórnvöld í Brussel hafi miklu meira að segja um lagasetningu, almenna velferð og daglegt líf en sænska þingið.  Það er mánuður til kosninga og áhugi meðal almennings hverfandi.

Kjörsókn til Evrópuþings fór niður í 46% árið 2004. Svona gerist þegar menn búa við fjarlægt vald í áratugi. Á endanum verða þeir samdauna því og líta á það sem eðlilegt ástand. Þeim finnst (því miður réttilega) að atkvæði þeirra skipti engu máli. Það er vond og lúmsk þróun sem læðist aftan að mönnum, deyfir áhugann og skaðar framtakið.

Axel Þór: Hef líka tekið eftir að forsætisráðherra talar stundum um aðild að ESB eins og hvern annar fríverslunarsamning. Það er ekki traustvekjandi.

Brjánn: Þetta kemur án efa að ómældu gagni, takk.

[Jón Halldór Guðmundsson, 6.5.2009 kl. 15:33]

Ágæti Haraldur. Þú segir að fullveldið hverfi með aðild að ESB.

Með vissum hætti er þetta alveg rétt hjá þér.

Ég hef til dæmis ferðast í lest. Þá er ég á leið að sama áfanga og aðrir farþegar í lestinni, en þar sem ég stjórna ekki lestinni þá ræð ég engu um ferðina. Ekki hinir farþegarnir heldur.

Við erum nú þegar skuldbundin til að taka upp allskonar regluverk frá esb til dæmis í sambandi við samkeppni, jafnréttismál, hættuleg efni, umhverfismál og fleira.  Við höfum líka undirgengist alþjóðlega sáttmála um sérstök efni, eins og barnasáttmála og um loftlagsmál.  Allir þessir samningar skerða sálfsákvörðunarrétt okkar. Skerða fullveldið.

Hins vegar sjá nú flestir að aðila að ESb hefur kosti líka.

[Haraldur Hansson, 6.5.2009 kl. 16:34]

Ágæti Jón Halldór; ég held að samlíking við lestarferð sé nokkuð góð hjá þér. Íslenska þjóðin sest upp í ESB vagninn og ræður engu um ferðina.

Það er aldrei hægt að bera inngöngu í ESB saman við alþjóðlega sáttmála. Með þeim tekst ríki á hendur skyldur á ákveðnum sviðum, en með inngöngu í ESB lætur ríki af hendi löggjafarvald í mjög mörgum málaflokkum og þeim fer fjölgandi. Fjarlægt vald verður alltaf vont vald.

Og hverjir eru svo kostirnir við aðild að ESB? Svona í alvöru talað. Evran gæti allt eins orðið til bölvunar, svo ég myndi vilja heyra fleiri dæmi en hana. Eru kostirnir svo miklir að þeir réttlæti afsal á valdi yfir eigin velferð?