"Only for you, my friend"

Það góða við þessa frétt er að fylgi Samfylkingarinnar minnkar. Það dregur úr hættunni á að Ísland gangi í Evrópusambandið. Í forsíðufrétt Fréttablaðsins í dag er sagt frá hættumerki, en sömu frétt má sjá hér á vísir.is 

Indefence-hópurinn afhenti Bretum undirskriftarlista með mótmælum við beitingu hryðjuverkalaga. Þeim var beitt vegna IceSave.

Bretar svöruðu því til að þeir séu tilbúnir að hjálpa Íslendingum að komast inn í ESB á mettíma. Á einu ári! Þetta hljómar eins og "only for you my friend" tilboð. Það er alltaf fals á bakvið þau.

Og hvað hefur innganga í ESB með IceSave að gera?

Ekkert. Nákvæmlega ekki neitt.

Eða þannig ætti það að vera. Hjálpsemi Breta er alveg örugglega til að tryggja þeim fullan sigur í IceSave deilunni. Að þeir fái allt greitt. Það hentar Bretum að blanda þessu saman, því þeir vita að Samfylkingin er tilbúin að leggja IceSave drápsklyfjar á þjóð sína, vegna ofuráherslunnar á drauminn um ESB. Ekki einu sinni að láta á það reyna fyrir dómstólum hver lagaleg skylda okkar er í málinu. Eins gott að slíkur aumingjaskapur var ekki ráðandi á sjöunda og áttunda áratugnum. Þá hefðum við gefist upp fyrir Bretum fyrirfram og ekki fært út landhelgina.

En það er annað í þessu máli, sem þarf að taka alvarlega. Caroline Flint, Evrópumálaráðherra í bresku ríkisstjórninni segir í bréfi vegna málsins að aðgangur að fiskimiðum yrði væntanlega stórt atriði í þessu máli.

Já þeir eru hjálpsamir Bretarnir, vinir okkar. Only for you my friend.

Bretar hafa alla tíð verið sérlegir vinir okkar. Eitt hernám, 2-3 þorskatríð, löndunarbann og hryðjuverkalög eru bara lítilsháttar hnökrar á annars ágætum samskiptum. Kannski aflétta þeir hryðjuverkalögunum líka, ef þeir fá að veiða smá. Ef þetta gefur tóninn fyrir aðildarviðræður Íslands að ESB, þá gef ég ekki mikið fyrir það.

Dregur saman með flokkunum

Athugasemdir

[Sigurður Þorsteinsson, 23.4.2009 kl. 07:26]

Það virðist sem innganga í ESB sé eina úrræðið sem Samfylkingin sér í lausn allra vandamála. Ef farið verður í viðræður og niðurstaðan felld. Þá eru engar lausnir að sjá. Meirihluti þjóðarinnar telur að ásættanleg ESB verði ekki að veruleika. osammala.is fór á stað í gær og viðbrögðin láta ekki á sér standa.

[Brjánn Guðjónsson, 23.4.2009 kl. 22:40]

ena úrræðið er að ganga á hönd Noregskonungs og éta úldinn fisk.