Velferðarbrú til Brussel

Nú talar Björgvin G. Sigurðsson, viðskiptráðherrann sem svaf á vaktinni þegar bankakerfið hrundi, um að Evrópustefnan verði að var á hreinu. Ég er ekki hissa á því, það er eina stefna Samfylkingarinnar.

Þegar Jóhann Sigurðardóttir mætti í sitt fyrsta Kastjósviðtal sem forsætisráðherra, svaraði hún átján spurningum með "við munum skoða það".

Núna fyrir helgina svara hún, eins og aðrir flokksleiðtogar, 24 spruningum Fréttablaðsins. Flestum þeirra er svarað með "Já, ef það reynist hagkvæmt" eða "Já, ef menn telja það skynsamlegt". Engin hrein svör, bara önnur útgáfa af "við munum skoða það"

Ég finn stundum til með Jóhönnu af því að ég tel hana ærlegan stjórnmálamann. Hún er eini stjórnmálamaðurinn í Samfylkingunni. Fyrir tveimur árum vildi hún fara varlega í Evrópumálum, en eftir að hún neyddist til að taka að sér formennsku í Samfylkingunni, hefur hún ekki átt annars kost en að kyrja trúboðið með öllum hinum. Dæmd til að vera forsöngvari.

Það voru samt fjórar spurningar Fréttablaðsins sem Jóhanna gat svarað hreint og hiklaust. Þær voru:

• Að sækja strax um aðild að ESB
• Að taka upp evruna
• Að byggja álver
• Að afturkalla kvótann í áföngum

Auðvitað eru engar forsendur til að byggja álver á næstunni og því óhætt að lofa því. En þetta með kvótann er magnað. Helgi Hjörvar upplýsti (líklega óvart) að Samfylkingin hefði ekki ætlað að hafa neina stefnu um sjávarútveg. Einhverjir ákváðu að bjarga andlitinu á landsfundi og rissuðu upp "fyrningaleið" í flýti. Þannig á að ná kvótanum af útgerðinni í áföngum, líka þeim sem greiddu hann fullu verði og þáðu ekki gjafakvóta.

Fyrningaleiðin hentar vel til að veikja varnirnar. Taka kvótann, koma útgerðinni örugglega á hausinn og leggja landsbyggðina í rúst. Þá er eftirleikurinn auðveldari, að koma allri þjóðinni inn í ESB. Þetta er grunnurinn sem uppgjafarstefna Samfylkingarinnar stendur á; að byggja velferðarbrú til Brussel og leggja niður Ísland, eins og við þekktum það.

Það er ekkert hættulegra fyrir framtíð Íslands en uppgjafarstefna Samfylkingarinnar.

Evrópustefnan verði á hreinu

Athugasemdir

[jonthor (IP-tala skráð) 20.4.2009 kl. 21:10]

Sæll Haraldur,

ég nennti ekki að lesa greinina þína efnislega, því að ég var svo hneyslaður af því sem þú skrifaðir í upphafi greinarinnar.

Að vera með sleggjudóma yfir Björgvini Sigurðssyni er dæmigert fyrir mann sem vill koma á höggi á hann bara af því að hann er með aðrar skoðanir á EU en þú. 

Hann var ekki sofandi þegar bankarnir féllu.  Það rétta er að hann var heima hjá sér að taka slátur.  Þú getur ekki farið úr sláturgerð, því þá skemmist allt blóðið.

Með kveðju frá gömlum vinnufélaga,

Jón Þór Helgason

[Axel Þór Kolbeinsson, 20.4.2009 kl. 21:17]

Það er vonandi að slátrið hafi verið þess virði hjá Björgvini.

[Marteinn Unnar Heiðarsson, 20.4.2009 kl. 21:28]

Manni er farið að gruna að sambó hafi lofað ESB ráðherrunum eitthvað og þegið mútur styrki frá ESB í staðin og sama má sega um formenn ASÍ og marga aðra sem lofa ESB í hástert allavega er þetta fólk ekki að hugsa um hag þjóðarinnar það er einhverjar skrýtnar kendir þar að baki!!!!Afhverju vill þetta fólk ekki ræða um Dollar sem gengi fljótar fyrir sig og ekki þarf að láta fullveldi landsins á móti einsog sambó og ASÍ vilja gera.Það þarf ekki að fara í aðildarviðræður við vitum um 98% reglunum og hvað við fáum en það eru þessi 2% sem eru aðalmálið og allt snýst um .Það er nóg að senda 2 fúlltrúa þarna út til Brussel með eitt bréf sem í stendur þetta er það sem við viljum halda að fullu hér semsagt fiskimiðin-landbúnaðurinn-og okkar dýrmæta orka og náttúra og hvað viljið þið gera?ekki einfaldara.Og svarið verður stutt og laggott frá ESB farið bara heim aftur við höfum ekkert við ykkur að tala.Muna bara að kjósa ekki þennan spyllinga flokk sem vil afsala okkar sjálfstæði.

[Haraldur Hansson, 20.4.2009 kl. 22:39]

Já Jón Þór, ef maður er ekki með smáatriðin á hreinu er gott að fá heimildir beint úr héraði. Ertu viss um að hann hafi ekki bara verið í bankaslátrun?

[Jonthor (IP-tala skráð) 21.4.2009 kl. 01:12]

sæll Haraldur,

ég mátti til með fíflast dálítið... Annars erum við Björgvin skólabræður útskrifuðumst saman á Selfossi á sínum tíma. Alltaf þegar ég er ósáttur við sjálan mig finnst ég ekki hafa lagt mig nægilega fram fer ég og les ferilská hans á Altingi.is. þá líður mér strax betur.

Það er ótrúlegur þrýstingur núna að fara í ESB óg á eftir að aukast. ég hef reyndar ekki lengur áhyggur af því að ganga í ESB.  ESB og Evran mun renna sitt skeið áður en við komumst inní sambandið.  

Takk kærlega fyrir skemmtilegt blogg og ég vona að þú tímir að gefa mér kaffi næst þegar ég kem í heimsókn í gömlu vinnuna mína.

kv.

Jón Þór