Ísland er hvalkjöt (í augum ESB)

Í gær talaði Olli Rehn af sér. Þá sagði þessi finnski stækkunarkommissar ESB að aðild Íslands yrði hvalreki fyrir Evrópuríkið og vill bjóða okkur upp á flýtimeðferð. Í orðabók Menningarsjóðs er orðið hvalreki útskýrt þannig:

hvalreki K 1 það að hval rekur á fjöru. 2 óvænt stórhapp: það er hvalreki fyrir málstaðinn.

Í dag fagna skoskir sjómenn hugsanlegri aðild Íslands.

Skotarnir telja að aðild Íslands myndi hafa áhrif á endurskoðun fiskveiðistefnu ESB og einnig hugsanlega opna aðgang breskra sjómanna að íslenskum fiskimiðum.

Er það hið óvænta stórhapp sem Olli var með í huga? Hvalrekinn!

Jafnvel þó Skotar fengju ekki að veiða hér við land sjá þeir möguleika á endurskoðun á fiskveiðistefnunni.

Þetta er á svipuðum nótum og Robert Wade talaði um á borgarafundi í Háskólabíói, þ.e. að nota Ísland sem múrbrjót eða tilraunadýr fyrir Noreg; að breyta "hinni skaðlegu fiskveiðistefnu ESB" eins og Wade orðaði það, svo að Norðmönnum hugnist þátttaka.

Það á ekki að innlima Ísland í Evrópuríkið til að nota það sem múrbrjót fyrir Norðmenn eða vopn fyrir Skota. Ísland á að gera það sem þjónar hagsmunum Íslendinga best og standa fyrir utan ESB.

Það er sama hversu góðir samningar nást um fiskveiðar eða "hvað er í boði". Framsal á fullveldi mun alltaf leiða til tjóns. Ef ekki strax, þá seinna. Það er einfaldlega ekki hægt að komast hjá því.

Kommissar Rehn vill bjóða Íslandi flýtimeðferð. Hann veit að það hefur aldrei neitt ríki gengið í ESB nema í krísu. Annað hvort pólitískri eða efnahagslegri krísu. Þess vegna vill hann hespa þetta af á meðan við erum í miðri kreppu og þjóðin enn dofin og sár í leit að skjótvirkri lausn.

 

 

Skoskir sjómenn vilja að Ísland gangi í ESB

Athugasemdir

[Guðmundur Ingi Þorvaldsson, 31.1.2009 kl. 11:37]

Ég held ég sé bara hjartanlega sammála þér. Hef velkst mikið í vafa um evrópumálin um hríð en held að það sé að verða liðin tíð. Við verðum að passa upp á það sem okkur er kærast.

[Haraldur Hansson, 31.1.2009 kl. 14:49]

Jón Frímann: Þarna er vitnað í texta í viðtengdri frétt. Það að endursegja orðrétt er hvorki vitleysa né rangtúlkun. Bendi þér á að ég skrifa ekki fréttir á Mbl.is og ég skrifa ekki heldur ræður fyrir Robert Wade. Og já, ég geri mér grein fyrir því að það eru hverfandi líkur á að breskir sjómenn veiði í íslenskri lögsögu. Færslan er ekki um það.

Aðal punkturinn með færslunni er þessi: Það er mjög hvimleitt að lesa reglulega fréttir af því hvernig aðild Íslands þjónar hagsmunum annarra þjóða. Til viðbótar við þetta um Skota og Norðmenn hafa í janúar komið yfirlýsingar frá Eistlandi um að þátttaka okkar væri þeim í hag og að það myndi styrkja stöðu Finna að fá Ísland í hópinn, svo dæmi séu nefnd.

Mér leiðist að sjá fjallað um Ísland sem verkfæri aðrar þjóðir, eins og gert er í þeim tveimur tilfellum sem ég nefni í færslunni.

[Brjánn Guðjónsson, 31.1.2009 kl. 14:54]

notaði Olli Rehn þetta orð, hvalreki?

er það ekki líklegra að sá/þeir/þau sem þýddu orð hans hafi sett inn þetta orð?

[Brjánn Guðjónsson, 31.1.2009 kl. 15:02]

en svona by the way, þá byggir fiskveiðistefna EU á veiðihefð, eins og JF bendi réttiæega á. líka um sameiginlega fiskistofna.

hér er ekki hefð fyrir að neinn veiði nema íslendinagar. við eigum sameiginlega fiskistofna, aðallega með norsurum og hefur gengið ágætlega að semja um þá.

við eru ekki að tala um Grikki eða Spánverja á Íslandsmiðum.

það er innihaldslaus hræðsluáróður Heimssýnar og annrra sem vilja trúa að allt fari hér til andskotans við inngöngu í EU.

Lestu bara ræður Alþingismanna í umræðunni um EES samninginn. Say no more.

[Haraldur Hansson, 31.1.2009 kl. 15:13]

Brjánn: Linkurinn er á frétt á visir.is. Ef blaðamaðurinn er að vísa í þessa frétt í Guardian í gær, sýnist mér líklegast að hann hafi talið orðið "hvalreki" eiga við vegna þess sem sagt er um Ísland: "... its strategic and economic positions would be an asset to the EU". Þú kíkir bara á Guardian.

[Jón Halldór Guðmundsson, 2.2.2009 kl. 20:39]

Tek undir framansagt. Það er sjálfsagt að fara í aðildarviðræður við Esb sem fyrst og fá að vita hvað okkur býðst. Ræða síðan saman. Kannski þetta sé hvalreki fyrir okkur og þá?