Valgreen sagði fleira en þetta

Þessi hagfræðingur - sem varaði við bankakreppu tveimur árum fyrir hrun - fékk skammir og óblíðar viðtökur á sínum tíma. Skyldu menn vera tilbúnir að hlusta núna?

Að taka upp evruna er ekki lausn á öllum vandamálum. Bankarnir hefðu hrunið jafnvel þótt Íslendingar hefðu haft evruna. Meginvandamálið var ekki myntin eða hagkerfið, heldur bankarnir sjálfir.

Þannig hefst næst síðasti hluti greinar Valgreens. Eftir öll upphrópin um "ónýta krónu" og töframeðalið evru, á fyrstu vikum eftir hrun, eru augu okkar hægt og bítandi að opnast fyrir því að sökin liggur ekki þar. Krónan er enginn gerandi í hruninu heldur gráðugir glæframenn sem misnotuðu hana; smæð hennar og skort á vörnum/reglum.

Hvort þurfum við frekar, að kasta krónunni eða loka á fjárglæframenn?

Þau vandræði sem Valgreen rekur til krónunnar eru of hátt gengi hennar. Það, ásamt háum stýrivöxtum gerði lán í erlendri mynt fýsileg, sem leiddi til gjaldeyriskreppu. Í lokakafla greinar sinnar telur hann upp nauðsynlegar aðgerðir, sem sagt er frá í mbl-fréttinni, og segir svo:

Síðan þegar innlendum stofnunum og verðbólguvæntingum hefur verið komið í eðlilegt horf er hægt að fara að hugleiða upptöku evrunnar. Það er þó ekki víst að þess þurfi. Það er ekki ljóst hvers vegna lítið, mjög opið hagkerfi, þar sem stór hluti af útflutningi er vörur en ekki þjónusta, ætti að taka upp alþjóðlega mynt.

Íslenska krónan verður gjaldmiðill okkar næstu tíu árin hið minnsta, hvort sem mönnum líkar betur eða verr. Jafnvel innganga í Evrópusambandið getur ekki breytt því. Við ættum því að haga okkur í samræmi við það og hlúa að henni frekar en tala hana niður og úthrópa sem geranda í hruninu. Það var mannanna verk.

Forgangsverkefni í stjórnkerfinu er að auka sjálfstæði Seðlabankans og setja yfir hann stjórn skipaða mönnum og konum sem uppfylla kröfur um menntun, reynslu og fagmennsku.

 

Íslensk stjórnvöld harðlega gagnrýnd

Athugasemdir

[Ragnar Eiríksson, 11.1.2009 kl. 10:29]

Takk Haraldur fyrir að benda á þetta.    Ég tel að ég fari að komast í tölu betri hagfræðinga því þetta er það sem ég hef bent á alveg frá upphafi hrunsins.   Það er alfarið mannanna verk að koma okkur þangað sem við erum.     Krónan hefur frá upphafi verið misnotuð og höfð sem blórabögglum fyrir ráðleysi og vanhæfni í skynsamlegri ákvarðanatöku.     Þetta tal um upptöku evru eða dollars eða innganga í ESB er allt spurning um að drepa málum á dreif og leiða athyglina frá aðalatriðinu - að koma spillingu, óheiðarleika og algerri vanhæfni burt úr stjórnkerfinu!!!     Svo sorglegt sem það er þá erum við, þjóðin, algerlega meðvirk, kjósum sama spillingarliðið aftur og aftur á grundvelli svikinna loforða (a.m.k. svikinna eftir kosningar!).     Ég er meira að segja svo meðvirkur að ég - VG með fyrirvara - fór á kynningarfund Sjálfstæðisflokksins um Evrópumál!!!    Eða var það herkænska?  Ég fékk alla vega kaffibolla og kynningarbækling með heim.

Krónan er fín en það má auðvitað viðurkenna að upptaka dollars (upptaka Evru er vonlaus í andstöðu við ESB) mundi leysa verðtryggingarvandann að mestu.    Þar með mundum við nefnilega losna við áhrif heimskra og spilltra ísl. pólitíkusa á gjaldmyntina.    En er það eina leiðin?     Mér finnst einhvern veginn að ef við losnum við nauðsyn þess að hafa orðin "heimskra og spilltra" á undan sé stór hluti lausnarinnar kominn.

Kveðjur,

Ragnar