MÓTMÆLIN: Mörg, mörg þúsund manns

Í dag er laugardagur, dagur til að mótmæla. Klukkan þrjú mættu Íslendingar, þúsundum og aftur þúsundum saman í Kringluna og Smáralind. Nýjustu tölur af Korputorgi hafa ekki borist.

Þar versluðu menn við Baug og komu við í Next og Noa Noa til að redda jólagjöf í leiðinni.

Það voru líka nokkur hundruð manns sem gáfu Vísakortunum smá pásu. Gáfu sér tíma til að standa í þögulli mótmælastöðu, ellefu mínútur á Austurvelli.

Vonum að það verði lokað vegna vörutalningar á þriðja í jólum. 

Þögul mótmæli á Austurvelli

Athugasemdir

[Ólafur I. Hrólfsson (IP-tala skráð) 20.12.2008 kl. 16:16]

ha voru 100 á Austurvelli??  Ertu viss??

Þið eru orðin að athlægi með ofbeldi ykkar og hroka - þið eruð líka að fá fólk upp á móti ykkur - gætið að svo sá hópur vaxi ekki upp í fjöldahreyfingu - þá lendið þið í vandræðum

Ólafur I Hrólfsson

[Hákon Jóhannesson (IP-tala skráð) 20.12.2008 kl. 16:52]

Það var á annað þúsund á Austurvelli. 

Fín stemming og hressileg samkoma.

Sá m.a. alþingismenn þar.  Þetta er allt á réttri leið.

Kveðja Hákon Jóhannesson

[Theódór Norðkvist, 20.12.2008 kl. 17:07]

Það er átakanlegt að fólk haldi áfram að versla við sama liðið og setti þjóðfélagið allt á hausinn. Ég held stundum að fólk á þessu landi sé heiladautt.