Evran 1991-2011

Maastricht, 9. desember 1991:
Lokið við nýjan sáttmála sem breytti Evrópubandalaginu í ESB. Hann var undirritaður tveimur mánuðum síðar og tók gildi 1. nóvember 1993 (eftir að Danir höfðu verið látnir kjósa aftur).

Með Maastricht sáttmálanum var lagður grunnurinn að nýjum sameiginlegum gjaldmiðli sem fékk nafnið Evra. Byrjað var að nota evruna sem bókhaldsmynt árið 1999 en árið 2002 voru seðlar og mynt sett í umferð.

Brussel, 9. desember 2011:
Nákvæmlega tuttugu árum eftir fundinn í Maastricht, var loksins formlega viðurkennt að evran er búin að vera. Samt er ætlunin að halda áfram að nota evruna, en á nýjum forsendum. Evra 2.0 byggist á því að svipta notendur fullveldi í efnahagsmálum og fjarstýra þeim frá Brussel.
  

Hvað um Írland?

Þegar Írar felldu Lissabon sáttmálann voru þeir látnir kjósa aftur, eins og venjan er í ESB. Þá var gerð "stjórnmálasamþykkt" og þeim m.a. lofað sjálfræði í skattlagningu atvinnufyrirtækja. Írum er mikið í mun að halda sínum lága 12,5% tekjuskatti á fyrirtæki, enda hafa mörg erlend félög sett upp starfsemi þar vegna þess.

Ein hugmyndanna í bréfi Merkozys vekur spurningar.

          "Convergence and harmonization of corporate tax base ..." 

Leiði þetta líka til samræmingar á skatthlutfalli þýðir það að svíkja þarf loforðið sem Írum var gefið haustið 2009. Það er bærilegur árangur á mælikvarða ESB að það taki meira en tvö ár að svíkja afgangsstærð eins og Írland, sem telur aðeins 4,6 milljónir íbúa.

Fái Írar að kjósa um slíkar breytingarnar, munu þeir trúlega fella þær í þjóðaratkvæði. Þá verða þeir látnir kjósa aftur eins og þeir voru látnir gera 2002 (Nice) og aftur 2009 (Lissabon). Dugi það ekki verður hræðusláróðurinn settur í Icesave-gír og þeir látnir kjósa í þriðja sinn. Brussel lætur ekki smáþjóð stoppa sig í að "bjarga evrunni". 

Athugasemdir

[Jón Steinar Ragnarsson, 10.12.2011 kl. 15:54]

Írar eru þegarar búnir að sjá að þeir voru teknir í púströrið með Lissabonsáttmálanum og það þarf enginn að efast um niðurstöðuna ef þeim verður hleypt til að kjósa um málið.

Nú munu allar sérþarfir og sérstaða hinna ýmsu ríkja koma upp á yfirborðið og víst er að bandalagið mun ekki gera neina sérsamninga sem hafa fordæmi. Þá yrði líka hinn bjúrrókratíski frumskógur fyrst að sannkölluðu helvíti. Þeir geta ekki keyrt þetta í gegn nema með valdi og klækjum, svikum og mútum. Það er alveg kristalklárt.

[Jón Steinar Ragnarsson, 10.12.2011 kl. 19:20]

Keiser dagsins. Interesting always.

[Jón Steinar Ragnarsson, 10.12.2011 kl. 20:59]

Tengt þessu: Ég sé enga leið fyrir breta aðra en þá að ganga alla leið og segja sig úr sambandinu. Þeir eru einangraðir innan þess og munu fá að líða fyrir það.

Bankakerfið þeirra skuldar 4-5 sinnum VLF og City of London er sentrall allrar þessarar svikamyllu. Cameron var fyrst og fremst að verja þessa myllu, en til þess að verja borgarana fyrir meiri áföllum verður hann að kvitta sig frá EU.