Hver voru þá talin galin?

Í einni setningu nær Angela Merkel að ramma inn ESB-umræðu undanfarinna missera á Íslandi.

Þeir sem eru á móti ESB-aðild Íslands hafa varað við hinum hættulega pólitíska samruna. ESB mun breytast úr ríkjasambandi í sambandsríki. "Ever closer Union" er stefnan.

Aðildarsinnar sögðu þetta galinn málflutning og héldu áfram að tala eins og kjánar um "samvinnu fullvalda ríkja", í blindri trú Evrópudrauminn. Og gera enn.

Merkel boðar nú fyrsta stóra skrefið, bæði hátt og skýrt:

  
Ef einhver hefði sagt fyrir fáeinum mánuðum að í lok ársins 2011 myndum við vera í fullri alvöru að stíga ákveðin skref í átt að evrópsku stöðugleikasambandi, evrópsku bandalagi um fjárlög, í átt til þess að grípa til afskipta (af fjárlögum) í Evrópu, þá hefði hann verið talinn galinn.
  

Nú blasir sannleikurinn við.

Lýðræðinu ýtt til hliðar í hverju ríkinu á fætur öðru og næst skal væn sneið af fullveldinu tekin af þjóðunum og færð til Brussel. Allt undir því yfirskini að það þurfi að bjarga evrunni!

Eins og Merkel bendir á var slíkur samruni réttilega álitinn galinn (og þess vegna varað við honum). Nú verður þessi galna hugmynd ekki lengur umflúin, evrunnar vegna. Samfylkingin heldur samt áfram háskalegu blindflugi til Brussel.

Fjárlagabandalag í burðarliðnum

Athugasemdir

[G. Tómas Gunnarsson, 2.12.2011 kl. 16:40]

Það er búið að vera flestu hugsandi fólki ljóst í mörg ár, að til lengri tíma litið stefndi "Sambandið" að auknum samruna.  Það hefur í mörgu tilliti ekki verið farið leynt með það. 

Núverandi krísa hefur hins vegar að því virðist sett tímaáætlunina alfarið úr skorðum og því gerast hlutirnir hratt þessa dagana, enda veikleikarnir svo augljósir að "Sambandið" stendur ekki einungis eftir klæðalaust, heldur tætis úr holdinu.

Íslenskir "Sambandssinnar" hafa talað um að euroið hafi verið selt með þeim hætti að kostirnir hafi verið tíundaðir, en það hafi gleymst að fjalla um gallana.

Akkúrat þannig ætluðu þeir að selja Íslendingum aðild að "Sambandinu".  Þegar Íslendingar lágu flatir eftir áfall, voru kostirnar tíundaðir, töfralausnin var "Sambandsaðild" og euro.

En í þessu tilfelli vann tíminn með sannleikanum og flestum verður æ betur ljóst að hagsmunum Íslands er best borgið utan "Sambandsins".

[Jón Steinar Ragnarsson, 2.12.2011 kl. 20:28]

Er hún ekki með þessu að viðurkenna að hún sé galin?

[Helga Kristjánsdóttir, 2.12.2011 kl. 23:10]

  Svo galin,að viður kennir galni sína. Allt fyrir €vru-tilbeiðslu. Þráhyggjan um ríkjasamband opinberast miskunnarlaust,það bara gerist strax,sem var takmark til lengri tíma. Reyni nú Össur og aðrar össur,að þræta fyrir það,sem íslenskir baráttu menn hér,vissu og vöruðu við,allt frá umsókninni. Ógeðslegir landsölumenn,notuðu sér hraksmánarlega,sakleysi almennings,hafi þeir ævarandi skömm fyrir.

[Jón Steinar Ragnarsson, 3.12.2011 kl. 04:15]

Aðeins utan efnis og þó: Hér talar Nigel Farage um múturstyrki til Króata. Ekki erfitt að draga af þessu skyldleika við það sem á sér stað hér.

[Haraldur Hansson, 3.12.2011 kl. 18:05]

Þakka innlitið og athugasemdirnar.

Það sem Farage lýsir í Króatíu er enn verra en það sem við þekkjum. En miðað við upphæðirnar sem ESB notar til að tæla Króata inn í sæluna er full ástæða fyrir Íslendinga til að óttast að ESB geri áhlaup á umræðuna og lýðræðið.