The End of Money

Á fréttastöðinni SkyNews er fastur liður þar sem farið er yfir forsíðufréttir dagblaðanna með tveimur sérfræðingum. Í kvöld yfirskyggðu fréttir af evruvandanum allt. Óttinn við mikinn samdrátt, jafnvel hrun, er verulegur.

Sérfræðingarnir voru sammála um að evruvandi Grikklands væri bara smámál í samanburði við Ítalíu, sem gæti sligað allt Evruland. Annar sagðist óttast mest "the end of money". 

Það sem vakti athygli mína var tafla um skuldatryggingarálag. Hún leit svona út:

• Grikkland               32,32%
• Portúgal                11,77%
• Írland                     8,20%
• Ítalía                      7,25%
• Spánn                    5,81%
• Belgía                     4,38%

Hættumörkin eru við 5% og þegar álagið kemst í 7% er staða ríkisins talin óviðráðanleg (álagið á Ísland fór aftur yfir 3% um daginn).

Listinn sýnir sex verst stöddu vestrænu ríki heims. Þau eiga það sameiginlegt að vera ESB ríki sem eiga engan gjaldmiðil. Þau köstuðu honum og um leið sviptu þau sig peningalegu fullveldi.

Nú er fullveldi þeirra horfið. Týnt og tröllum gefið. Í staðinn fyrir alvöru gjaldmiðil nota þau skaðræðis vafning sem er kallaður Evra.

Athugasemdir

[Jón Steinar Ragnarsson, 10.11.2011 kl. 05:22]

Það er vert að hafa Max Keiser í bookmaklistanum sínum og kíkja reglulega á hann. Hann er nú á Írlandi á óháðri ráðstefnu sem skoðar efnahgsmálin án afneitunnar og skilgreinir svindlið. Í síðasta þætti, kemur hann undir lokin inn á þetta með fullveldi og efnahagslegt sjálfstæði í samræðum við þekktan hagfræðing.

Þó ég skilji ekki alltaf allt, sem verið er að segja vegna þess hve þetta fjármálajargon er orðið mikil reykveggur að sannleikanum, þá uppgötva ég alltaf eitthvað nýtt hjá Keiser og myndin einfaldast í höfði manns.

[Haraldur Hansson, 10.11.2011 kl. 12:53]

Þakka ábendinguna. Það er nokkuð um liðið síðan ég hlustaði á Keiser síðast og greinilega tímabært að fylgjast með þáttum hans.