Höfuð Árna Þórs er "vondur staður"

Árni Þór þarf aðstoð til að komast á fætur. Ná áttum.

Ef honum er illt í höfðinu er það ekki litlu hænueggi að kenna. Ef honum sortnar fyrir augum er það samviskan að reyna að gægjast upp á yfirborðið eftir öll sviknu kosningaloforðin.

"Eggið hæfði mig á vondan stað" sagði þingmaðurinn. Höfuð Árna Þórs er vondur staður. Það gera öll svikin og esb-þjónkunin. Hann er búinn að tapa stefnunni og kjósendum sínum.

Vilhjálmur var flottur.

Ef loforðasvikarinn Árni Þór hefði staðið úti á Austurvelli og hlýtt á Skagamanninn skelegga, Vilhjálm Birgisson, hefði líklega þurft að leggja hann inn.

Er ekki kominn tími á hallarbyltingu í ASÍ? Gylfa út og Vilhjálm inn!

 

,,Eggið hæfði mig á vondan stað"

Athugasemdir

[Viggó Jörgensson, 1.10.2011 kl. 13:58]

Fyrir Árna Þór var höfuðið þó skársti staðurinn.

Minnsta tjónið þar.

[Haraldur Hansson, 1.10.2011 kl. 14:18]

Ég skal ekki segja um það Viggó.

En litla hænueggið sem Árni Þór fékk á "vondan stað" eru bara smámunir í samanburði við öll fúleggin sem hann er búinn að henda í hausinn á mér og öðrum kjósendum sínum. Svik við kjósendur og afbökun á lýðræðinu.

Hann á hætta þessu væli, læra að skammast sín, segja af sér og finna sér eitthvað annað að gera.

Ég vil kosningasvikarann Árna Þór burt (án ofbeldis).

[Vendetta, 1.10.2011 kl. 15:20]

"Höfuð Árna Þórs er vondur staður."

Skammastu þín Haraldur. Ég ætlaði að nota þessa línu.

[Eyjólfur G Svavarsson, 1.10.2011 kl. 15:37]

Já það virðist vera hægt að kikna undan samkisuleysinu, það hefði bara þuft að gerast fyrr og varanlega. Þá hefði hann getað gengið þarna um sperrtur, kall greyið

[valgeir ásbjörnsson (IP-tala skráð) 1.10.2011 kl. 16:39]

Árni Þór átti þetta egg alveg skilið, þessi maður seldi stofnféð sitt í Spron 2 mánuðum eftir að nýtt reiknregluverk fyrir banka Basel 2 var samþykkt  á alþingi og vissi að Spron þyrfti að bókfæra tap vegna afskriftareikning, Það voru líka fleiri þingmenn að gera, þessir menn ættu að hafa manndóm í sér og skila þeim peningum.

[Jón Valur Jensson, 1.10.2011 kl. 18:16]

Já, Gylfa út og Vilhjálm inn!

En 10 milljóna ESB-styrkþeginn Árni Þór jafnar sig og heldur svo áfram að þókknast honum "jafnaðarmönnunum" sem hafa svikið alþýðu landsins um skjaldborgina, hvað þá annað, og um meðvirkni hans með Brusselvaldinu þarf enginn að efast, sem skoðar hans feril.

[Jón Valur Jensson, 1.10.2011 kl. 18:22]

... þókknast HINUM "jafnaðarmönnunum" ... vildi ég sagt hafa.

Og þetta átti að vera feitletrað: Já, Gylfa út og Vilhjálm inn!

[Carlos Ferrer (IP-tala skráð) 1.10.2011 kl. 19:27]

"Schadenfreude" í færslunni og svarhalanum er fyrir neðan allar hellur. Liggjandi ber Árni Þór höfuð og herðar yfir ykkur, herramenn fyrir ofan það sem hér er skrifað. Svei ykkur.

[Vendetta, 1.10.2011 kl. 19:39]

Carlos, Árni Þór hefur kallað þetta yfir sig sjálfur með því að svíkja kjósendur VG. Það þýðir ekkert fyrir þig að bera í bætifláka fyrir hann. Þetta er ekki Schadenfreude, heldur réttlát reiði.

[Haraldur Hansson, 1.10.2011 kl. 19:42]

Þakka ykkur innlitið og athugasemdirnar.

Carlos Ferrer: Ég bjóst við að fá einmitt svona athugasemd. Lestu betur. Það er ekki "Schadenfreude" fyrir 5 aura í færslunni. Þetta með vondan stað og að sortna fyrir augum er einföld samlíking, að gefnu tilefni. Ærnu tilefni.

[Viggó Jörgensson, 1.10.2011 kl. 19:57]

Haraldur.

Ég get vel skilið að greindur og gegn maður, eins og þú, sért vinstri maður. 

En hvernig datt þér í hug að fylkja þér undir merki Steingríms Jóhanns?

Og hvaða álög eru á íslenskum vinstri mönnum og jafnaðarmönnum?

Af hverju velja þeir alltaf ónýta lýðskrumara til forystu?

Sem við hin treystum okkur aldrei til að kjósa?

[iskan (IP-tala skráð) 1.10.2011 kl. 21:03]

bara til gamans :) í tilefni dagsins ..árni þór og dýfa dagsins ! ég sá svona skemmtileg , með leyfi ,
„Hann árni þór gæti hafa höfuðkúpubrotnað, því eins og allir vita þá eru þingmenn VG og samspylling með tóma hausa og hausar sem eru tómir hafa engan massa til að halda á móti þegar höggið/eggið kemur.“

[Jón Valur Jensson, 1.10.2011 kl. 21:13]

Séra Carlos minn, er það kannski álit þitt, að s.k. "jafnaðarmenn" þessarar ríkisstjórnar hafi EKKI svikið alþýðu landsins um skjaldborgina, og hefur þú EKKI tekið eftir meðvirkni Árna Þórs með Brusselvaldinu?

[Jóhann Elíasson, 1.10.2011 kl. 21:42]

Hann "vankaðist" EKKI við það að fá EGGIÐ í hausinn, því hann var vankaður fyrir, en það á eftir að koma í ljós hvort EGGIÐ hafi kannski orðið til gagns??????????

[Haraldur Hansson, 1.10.2011 kl. 21:53]

Þakka innlitið og vangavelturnar.

Viggó: Ég hef aðeins einu sinni kosið sama flokkinn tvennar þingkosningar í röð og veit ekki hvað ég kýs næst. Hef aldrei litið á mig sem hægri- eða vinstrimann.

Vorið 2009 ákvað ég að "kjósa taktískt". Þá var vinstristjórn borðleggjandi. Annar flokkurinn illa sýktur af esb-veirunni og ég ákvað að verja atkvæði mínu til að þyngja mótvægið með því að merkja við V.

Framganga Vg eftir kosningar er slík að ég hef verið bólusettur fyrir lífstíð. Hegðan Steingríms og Árna Þórs er óafsakanleg. Vinstri græn fá aldrei aftur mitt atkvæði.

[Emil Hannes Valgeirsson, 1.10.2011 kl. 22:10]

Er orðið réttmætt að kasta eggjum, eða öðru sem getur valdið líkamstjóni, í þá stjórnmálamenn sem menn er ekki sammála? Er eggjakastarinn, hver sem það er, orðin hetja í ykkar augum? Mér finnst það vera alvarlegt mál ef menn eru í stórum stíl að dásama ofbeldi eða gera gis af þeim sem fyrir ofbeldinu verður. Ekkert afsakar ofbeldi.

Ekkert er hinsvegar að því að hafna stjórnmálaflokkum í kosningum og fella stjórnmálamenn þannig.

[Ómar Bjarki Kristjánsson, 1.10.2011 kl. 22:27]

Óskaplega er sorglegt að sjá svona frá því maður hélt að væru fullorðnir menn.

[Ómar Bjarki Kristjánsson, 1.10.2011 kl. 22:31]

Edit: ,,Óskaplega er sorglegt að sjá svona frá því sem maður hélt að væru fullorðnir menn".

Komandi hér hver á fætur öðrum öfga og ofsamennirnir eftir sjalladagsverkið taladi eins algjörir fábjánar.

Skammist ykkar vesal og lítilmenni.

[Haraldur Hansson, 1.10.2011 kl. 22:43]

Þakka innlitið.

Emil Hannes, alveg sammála þér: Ekkert afsakar ofbeldi. Þá gildir einu í hvaða mynd ofbeldið birtist.

Líkamlegt ofbeldi, þar með talið að henda eggjum og öðru lauslegu í fólk.

Pólitískt ofbeldi, eins og þegar Jóhanna kúgaði nýliða á þingi til að jánka esb-umsókn gegn sannfæringu sinni.

Lýðræðislegt ofbeldi, eins og þegar Árni Þór o.fl. snéru við blaðinu í prinsippmálum um leið og atkvæðin voru í húsi.

Ef athugasemdum þínum um ofbeldi er beint að innihaldi færslunnar bið ég þig að lesa aftur. Þar er hvorki reynt að réttlæta ofbeldi né hvetja til þess.  

[Kolbrún Hilmars, 1.10.2011 kl. 22:55]

Egg eru góð og matur er dýr. En það er skiljanlegt að sumum sé svo heitt í hamsi að þeir kasti matnum sínum í kosningasvikarana sem þeir greiddu atkvæði sitt.

Sum okkar eru svo heppin að sitja ekki uppi með þá ógæfu, en þá ættum við líka að setja okkur í þeirra spor og spara okkur nafngiftirnar - ÓMAR BJARKI!

[Emil Hannes Valgeirsson, 1.10.2011 kl. 23:07]

Ég er búinn að lesa færsluna aftur og aftur og skil hana bara þannig að það hlakkar í þér að viðkomandi þingmaður hafi orðið fyrir eggi. Ég er sjálfur á móti ESB aðild en lít svo á að þeir sem eru því fylgjandi séu á þeirri skoðun að það sé þjóðinni fyrir bestu. Höfuð þeirra þarf því ekki að vera vondur staður. Pólitík snýst oft um málmiðlanir og eftirgjöf á prinsippum. Ekki blanda því saman við líkamlegt ofbeldi.

p.s. takk fyrir að þakka fyrir innlitið.

[Viggó Jörgensson, 1.10.2011 kl. 23:33]

Þakka þér aftur Haraldur.

Svikulir vinstri menn eða hægri sérhagsmunamenn með kúlulán.   

Hvað er til ráða fyrir hinn venjulega Íslending?

[Magnús Ágústsson, 2.10.2011 kl. 01:50]

Sammála þér Haraldur sérstaklega með hallarbyltingu í ASÍ? Gylfa út og Vilhjálm inn!

Viggó Einmitt hvað er til ráða þegar við erum með 4 handónýta kosti og gjörspillt stjórnkerfi að auki 

[Jón Valur Jensson, 2.10.2011 kl. 02:00]

Nei, Emil, hann Haraldur er ekki á neinn hátt að réttlæta eggjakastið í þingmenn. Nefndu orð ða setningu frá honum í þá veru, ef þú telur þig geta það. Sjálfur hef ég mælt gegn ofbeldi, þ. á m. eggja- og tómatakasti, í skrifum mínum. Svp hefurðu illa skilið orð Haraldar um ESB-málið, ef þér, þvert gegn honum, þykir það eðlilegt af Árna Þór að SVÍKJA kjósendur sína á þann hátt sem þeir hafa gert, hann og Steingrímur (sbr. hér: STEINGRÍMUR STJÓRNARANDSTÆÐINGUR).

[Sandy, 2.10.2011 kl. 08:28]

Ofbeldi! eigum við að ræða það eitthvað frekar? Á þingi eru einstaklingar sem hafa mjög stuttan skap-þráð og sína öðrum lítilsvirðingu án þess að blikka auga og vílar ekki fyrir sér að beita aðra harðræði, þó það sé ekki í formi eggjakasts,enda eins gott því ef þeim hefði dottið það í hug hefðu þeir tæmt eldhúsið í þinghúsinu, þá hefðu kokkarnir þar ekki getað eldað fyrir þá erlendu gesti sem voru við þingsetninguna. (og þjóðin borgað eggin)

Er ekki til gamalt máltæki sem segir: (vona að ég fari rétt með) Svo lengi er hægt að brýna deigt stál að bíti.

Ofbeldi er aldrei til fyrirmyndar sama hvernig það birtist. En við verðum að hafa það í huga að aðgerðir stjórnarinnar með stuðningi margra úr stjórnarandstöðu er búið að svipta marga heimilinu og stórum hluta framfærslu svo fólk neyðast til að standa í röðum eftir mat. 

Ég er hjartanlega sammála þér Haraldur, það ætti að láta Gylfa víkja úr forystu ASÍ hann hefur ekkert þar að gera, og mælum með Vilhjálmi Birgissyni.

[Sigurður Haraldsson, 2.10.2011 kl. 08:44]

Vilhjálmur Birgisson næstan í forystu ASÍ er jákvætt, Emil kosningar segir þú það dugir ekki því að þegar búið er að telja uppúr kössunum hafa allir unnið sigur sama hvað fá athvæði þeir hafa fengið síðan sameinast þeir stærri flokknum og lúta að öllu leiti það heitir flokksræði sem er búið að drepa allt lýðræði í landinu og í flokksræðinu eins og við þekkum það er einkavinavæðing og spilling rótgróin í áratugi!

Krafan er breytt stjórnkerfi frá grunni án flokkaveldis og einkavinavæðingar!

[Emil Hannes Valgeirsson, 2.10.2011 kl. 09:24]

Jón Valur. Það dugar mér að sagt skuli vera í bloggfærslunni: „Höfuð Árna Þórs er vondur staður.“

[Jón Valur Jensson, 2.10.2011 kl. 10:58]

Emil, þau orð eru ekki réttlæting á eggjakastinu. Þu hefur misskilið þetta allt saman. Prófaðu að gera aðra tilraun að lesa pistilinn upp á nýtt!

[Emil Hannes Valgeirsson, 2.10.2011 kl. 12:42]

Þessi orð eru mjög ósæmileg og óviðeigandi, sama hvaða skilning maður leggur í bloggfærsluna. Ekki orð um það meir frá mér.

[Guðni Karl Harðarson, 2.10.2011 kl. 14:08]

Eitt lítið egg er á við litla baun. Mikið er gert úr því hér að blessað eggið hafi ratað á gagnauganu á honum Árna. Ég spyr mig hinsvegar hvernig ég myndi skrifa hér ef Eggið hefði farið í hausinn á einhverjum skoðanabróður mínum 

Frá mínu sjónarhorni er höfuðið á honum Árna vondur staður með orðalaginu: nú hitti vel á vondan (með ESB tildæmis sem hugsun um).

Gott að hann hafi jafnað sig.

[Jón Valur Jensson, 2.10.2011 kl. 16:56]

Já, það er gott, Guðni. Emil þarf líka að jafna sig á þessu––hætta að misskilja hlutina! Eg ég þekki Harald rétt, er hann sómakær maður og til einskis ills vís, hvorki í orðum né gjörðum.

[Guðni Karl Harðarson, 2.10.2011 kl. 17:50]

Já. Og eins og kemur fram á fleiri bloggum þá var Eggjum kastað handahófskennt í áttina að Alþingishúsinu þegar að Þingliðið gekk framhjá til Kirkju.

[Casado (IP-tala skráð) 2.10.2011 kl. 21:53]

Hvað var kall álkan að þvælast með hausinn fyrir eggið,,sumir gera allt fyrir smá vorkun.

[Emil Hannes Valgeirsson, 2.10.2011 kl. 22:21]

Ekki batnar það:

„hitti vel á vondan“

„Hvað var kall álkan að þvælast með hausinn fyrir eggið,,sumir gera allt fyrir smá vorkun“

Ætti kannski að bæta því við í nýju stjórnarskrána að það sé í lagi að beita smá líkamsárás þegar við erum ekki sammála stjórnmálamönnum? Eða eigum við að velta því fyrir okkur hvað þessir vesælu þingmenn voru að þvælast fyrir þegar heiðvirðir borgarar voru að varpa eggjum á Alþingishúsið?

[Haraldur Hansson, 2.10.2011 kl. 22:39]

Þakka ykkur öllum innlitið og athugasemdirnar.

Bendi á þessa frábæru færslu séra Svavars Alfreðs á Akureyri.

[Óskar Helgi Helgason (IP-tala skráð) 3.10.2011 kl. 14:46]

Sæll Haraldur; sem og aðrir gestir, þínir !

Hvað; eru friðarsinnar - eins og Jón Valur, að vilja upp á dekk ?

Maður; sem tæki ekki einu sinni upp moldarköggul, til þess að verja sig, þó í brýnu slægi.

Það eru einmitt; fólk af hans tagi, sem hamlar allri framþróun, í alvöru aðgerðum, gegn skríl valda stéttarinnar.

Með kveðjum; samt sem áður /

Óskar Helgi Helgason

[Dexter Morgan, 4.10.2011 kl. 00:10]

Tek heilshugar undir með "Suðurlandsskjálftanum" honum ÓHH. Jón Valur er búinn að útiloka alla á sínu bloggi, sem eru honum ósammála. Þið hin ættuð að gera það sama við hann, loka fyrir IP töluna hjá honum, gjalda líkum líkt. Enda er ekkert nema froðusnakk, bull og afskræming á raunveruleikanum sem kemur frá honum. Restin er lygi.

[Vendetta, 4.10.2011 kl. 00:37]

Hvernig væri að hætta þessum ómaklegu árásum á Jón Val?

[Óskar Helgi Helgason (IP-tala skráð) 4.10.2011 kl. 00:59]

Komið þið sæl; að nýju !

Vendetta !

Í ljósi þróunar; síðastliðin misseri - sem vikur og daga, tek ég heils hugar undir, með Dexter Morgan, í einu og öllu.

Jón Valur; er einfaldlega þannig þenkjandi, og reiðubúinn ávallt, að bjóða fram vinstri vanga - hafi hann fengið lamstur, á þann hægri.

Því miður; eru slíkir einskis virði, til nokkurra átaka, í harðnandi Heimi, Vendetta minn.

Hins vegar; mun ég ekki loka, á IP tölu hans, fremur en annað það fólk, sem heldur sig innan hefðbundinna siðferðis marka - og iðkar öngvan neðan mittis talanda.

Því; þrátt fyrir alla vankanta JVJ, er hann siðprúður ágætlega, í orðræðu ýmissi, og það virði ég, við hann.

Þó; finnst mér, sem hann mætti vera mildilegri, í garð DoctorsE - sem margra annarra, jafnframt - og hann mætti alveg hætta, að uppnefna DoctorE, sem einhvers konar gerfi- Doctor, til dæmis.

Með; ekki lakari kveðjum - en öðrum fyrri /

Óskar Helgi Helgason