Af stóru málunum skuluð þér þekkja þá

Í sumar hafa verið til afgreiðslu sannkölluð stórmál, bæði í USA og ESB. Mikill munur á meðferð þeirra sýnir að það er sitt hvað, alvöru lýðræði og brusselskt "lýðræði".

 

Í ESB var evruvandinn afgreiddur baksviðs. Merkel og Sarkozy  skrifuðust á og héldu svo fund í París eða Berlín. Fréttamönnum var skýrt frá niðurstöðum en fulltrúar annarra evruríkja fengu í besta falli að vera með á mynd.

Ríkisstjórn Barrosos var ýtt út í kant og Evrópuþingið var í hlutverki áhorfandans. Fréttamenn höfðu lítinn aðgang að ráðamönnum og þurftu oft að geta í eyðurnar. Engar opnar umræður á vettvangi stjórnmálanna. Bara niðurstaða.

 

 
Í USA var tekist á um skuldaþak ríkisins. Málið var afgreitt í þinginu fyrir opnum tjöldum. Fréttamenn fylgdust með hverju fótmáli forsetans og þingmanna, með vélar sínar á lofti. Daglega var rætt við fulltrúa beggja flokka í fjölmiðlum, oft í beinni útsendingu.

Forsetinn þurfti að ná sátt við þingið þar sem stjórnarandstaðan er með meirihluta í fulltrúadeildinni. Tekist var á af hörku um leiðir, allt fram á síðasta dag. Niðurstaðan var málamiðlun sem báðir sættu sig við.

 

Menn geta haft ólíkar skoðanir á niðurstöðum málanna tveggja. En ekki verður deilt um að það er gríðarlegur munur á aðferðunum sem beitt var vestan hafs og austan. 

Hvað sem mönnum finnst um USA þá verður það ekki af Bandaríkjamönnum tekið að lýðræðið þeirra er kröftugt og ekta. Til fyrirmyndar. 

Alvöru lýðræði mun aldrei verða komið á innan Evrópusambandsins (nánar um það í næstu færslu). Þar vilja ráðamenn fá frið fyrir kjósendum. Þegar ESB verður formlega gert að Sambandsríki er það dæmt til að verða meira í sovéskum stíl en bandarískum. Og mistakast.

 

Athugasemdir

[Jón Valur Jensson, 7.9.2011 kl. 02:30]

Frábær færsla, Haraldur. Sannarlega hittirðu hér naglann á höfuðið eins og í mörgum greinum þínum öðrum. Oft bloggarðu um ESB-mál, en kannski ekki alltaf! En með því að smella á þann tengil þinn ("flokk", þ.e. Evrópumál, sjá hér ofar - eða meðal færsluflokkanna sem eru ofan við myndir bloggvina þinna) geta menn lesið miklu fleiri greinar þínar, fræðandi og vel skrifaðar, um Evrópusambandið. Þeim tíma er vel varið, lesendur! Sjáið svo til, hvort ESBö-vinirnir hafi nokkur rök á móti þessum pistli ...

[Elle_, 7.9.2011 kl. 17:55]

Haraldur, takk fyrir þennan sterka pistil.  Og ég er sammála bæði um ólýðræðið þarna í sambandinu og lýðræðið í Bandaríkjunum.  Já, ýmislegt í stjórnarfrekju E-sambandsins minnir hrollvekjulega á Sovétríkin.  

Fyrrum andófsmaður gömlu Sovétríkjanna (USSR) óttast að Evrópusambandið sé að verða að nýjum Sovétríkjum.  Hann hefur varað við algjöru einræði sambandsins og segir það vera skrímsli sem verði að eyðileggja:

Vladimir Bukovksy, the 63-year old former Soviet dissident, fears that the European Union is on its way to becoming another Soviet Union. In a speech he delivered in Brussels last week Mr Bukovsky called the EU a “monster” that must be destroyed, the sooner the better, before it develops into a fullfledged totalitarian state.

http://www.brusselsjournal.com/node/865