Jæja, þá er það opinbert

Þegar við fullveldissinnar höfum haldið því fram að ESB sé að breytast hratt, úr sambandi sjálfstæðra ríkja í eitt sjálfstætt sambandsríki, Evrópuríkið, hafa aðildarsinnar risið upp og sakað okkur um hræðsluáróður. Sagt okkur fara með staðlausa stafi.

Núna hafa Merkel og Sarkozy tekið af skarið og staðfest það sem hefur verið í farvatninu lengi. Ríkin skulu framselja fullveldi sitt í efnahagsmálum til Brussel (svo bjarga megi evrunni).

Aðildarsinnar geta ekki lengur stungið hausnum í sandinn.

Þegar við fullveldissinnar höfum bent á að áhrif Íslands innan ESB yrðu nánast engin hafa aðildarsinnar sakað okkur um að mála skrattann á vegginn.

Fundurinn sem þau Merkel og Sarkozy áttu í dag var a.m.k. fjórða stóra dæmið á fáum mánuðum um að það eru Frakkland og Þýskaland sem taka ákvarðanirnar. Í þetta skipti fengu fulltrúar hinna evruríkjanna ekki einu sinni að vera með á mynd.

Aðildarsinnar geta ekki lengur stungið hausnum í sandinn.

Samfylkingin mun halda áfram að þráast við, enda hefur hún ekkert annað stefnumál en að gefast upp og skríða yfir velferðarbrú til Brussel. En fyrir venjulegt fólk verður ESB meira og meira fráhrindandi með hverri vikunni.

 

Viðbrögðin voru vísitölufall

Athugasemdir

[Vilhjálmur Stefánsson, 16.8.2011 kl. 22:48]

Aumingja Össur og þorsteinn Pálsson. Fá þeir ekki Pólitíkst hæli í þískalandi??

[Jón Valur Jensson, 17.8.2011 kl. 01:54]

„Við stefnum að nánari efnahagslegum samruna evrusvæðisins,“ sagði Nicolas Sarkozy, forseti Frakklands (sjá fréttina

HÉR), en hver eru þessi VIÐ? --Jú, hann og Angela Merkel - öðrum ekki boðið! Og "Merkel hvatti til að mynduð yrði e.k. efnahagsstjórn evrusvæðisins," - aftur án þess að bera það undir neina aðra af "aðildarþjóðunum" 27!

Góður, knappur, en sterkur pistill hjá þér, Haraldur.

[Jón Valur Jensson, 17.8.2011 kl. 01:58]

Með öðrum orðum: það eru ÞÝZKALAND OG FRAKKLAND sem eru einráð á evrusvæðinu (17 landa), já jafnvel enn frekar þar en í heild í ESB hinna 27. Við myndum missa gríðarlegt fullveldisvald með því að "ganga í" ESB, en meira til viðbótar, ef við bætum evrusvæðinu við. Og þar líta málin sannarlega illa út.