Írland verður að losna við evruna

Það líklega aðeins tímaspursmál hvenær fyrsta jaðarríki evrusvæðisins reynir í alvöru að losna úr handjárnum evrunnar. Írland gæti riðið á vaðið. Í grein í Irish Independent á sunnudaginn er fjallað um stöðu Írlands og þá erfiðu kosti sem standa til boða.

Í fréttum RÚV um helgina var löng og ítarleg frétt um ástandið á Írlandi, sem fer hratt versnandi og er orðið talsvert verra en hér á landi. Irish Independent bendir á þann mikla ókost að hafa ekki eigin mynt sem lagar sig að breyttum aðstæðum írska hagkerfisins. Síðan segir:

Unfortunately our membership of the euro deprives us of this safety valve. Instead, we are condemned to a decade or more of deflation and depression. While this might win us kudos in Brussels and Frankfurt, Irish voters are likely to prove less tolerant.

Verðhjöðnun og kreppa í meira en áratug er það sem blasir við. En það yrði hvorki auðvelt né ódýrt fyrir Íra að taka aftur upp írska pundið, langt frá því. En það er samt nokkuð örugglega "minnst vondi" kosturinn sem í boði er.

Greinina má lesa hér.

Hér fór bankakerfið á hausinn, á Írlandi fengu skattgreiðendur bankana í hausinn. Hér skall á kreppa á nokkrum dögum, þar var hún einhver misseri að gerjast. Hér eru góðir möguleikar á að komst út úr kreppunni, en á Írlandi ekki. 

Samfylkingin vill bjóða Íslendingum írsk/evrópskt ástand til frambúðar.

 

Athugasemdir

[Andri Geir Arinbjarnarson, 26.10.2010 kl. 22:50]

Hvað með Finnland er það ekki líka evruland?  Af hverju er ástandið þar ekki eins og á Írlandi?  Er ekki eðlilegt að taka öll evrulöndin fyrir og líta á góðar og slæmar staðreyndir þeim samfarandi, stilla þessu öllu upp á jafnræðisgrundvelli og láta kjósendur dæma.  Hvað er rangt við það?

Auðveldasta leiðin til að koma sér út úr kreppu er að lækka launin með gengisfellingu og breyta landinu í láglaunasvæði. Vandamálið við það er að þá tekur við láglaunakreppa heimilanna, þau ná ekki endum saman um mánaðarmótin.  Þetta leiðir til skuldavanda, landflótta og biðraða eftir matargjöfum.  Sem sagt Ísland í dag.

[Haraldur Hansson, 27.10.2010 kl. 08:31]

Þakka innlitið og kommentið.

Að láta kjósendur dæma? Hvað ertu að tala um? Ég bara vona að þú eigir ekki við að ESB málið sé kosning um evru eða ekki evru. Þá værum við á hrikalegum villigötum. En það er sjálfsagt að skoða stöðu allra ríkjanna.

Finnland býr nú við meiri samdrátt en þegar sovétið féll. Það er stutt síðan viðskiptaráðherra Finnalnds sagði "okkar stærstu mistök voru að taka upp evru" þegar hann horfiði upp á hlutdeild Finna í timbur- og pappírsiðnaði minnka á meðan Svíar auka sinn hlut.

Í kreppu er líklega enginn kostur góður, en að búa tímabundið við skert kjör er ekki sá versti. Ef atvinnuleysi er tímabundið 6-8% er hægt að vinna það upp, en ef það er varanegt 7-12% gengur það varla.