Slæmar fréttir og verri fréttir

Þegar ég kíkti á RSS fréttastraum fyrir fréttir af stjórnmálum í Evrópu, gáfu fyrirsagnirnar sem við blöstu ekki bjarta mynd af ástandi og stjórnarháttum í Brussel. Þetta eru ýmist slæmar fréttir eða verri, en engar sem þegnarnir geta glaðst yfir. Í besta falli að eitthvað hlutlaust slæðist með, stöku sinnum.
 

Frétt #1 er um vanda Írlands. Sumir telja að þar sé næsta Grikkland í uppsiglingu, enda staða þeirra orðin verri en staða Íslands!

Frétt #2 er líka um Írland, að landið þurfi að fá hjálp strax til að forðast erfitt efnahagslegt dauðastríð (long, ardouos, slow deth).

Frétt #3 er um að 17 fyrrum kommissarar séu enn á launum hjá Evrópuríkinu, þrátt fyrir að vera komnir í önnur vel launuð störf. Þar er það Joe Borg sem toppar spillingarlistann, sá sami og flutti erindi í Reykjavík um helgina.

Frétt #4 segir að Belgar vilji nota tækifærið, meðan þeir gegna forystu, til að stofna nýtt embætti evrópsks saksóknara, sem er í andstöðu við nokkur ríki. Menn geta haft ólíkar skoðanir á hvort það er slæm frétt, eins og allar hinar.

Frétt #5 er um að kostnaður við sendiráð Evrópuríkisins sé komin 5.200 milljónum króna fram úr áætlun. Það er frú Ashton, barónessan sem enginn kaus, sem opnar sendiráð um allan heim, enda lítur hún á ESB sem eitt sjálfstætt ríki.

Frétt #6 er svo um að stækka þurfi björgunarpakka Grikklands og teygja til ársins 2013, en þar flækist töframyntin evra fyrir öllum lausnum.

Frétt #7 segir að Bretar séu ósáttir við að lengja fæðingarorlofið, sem þeir hafa ekki efni á, en skipanir séu væntanlegar frá Brussel - sem ræður.

Frétt #8 er síðan um að Frakkar, Þjóðverjar, Spánverjar og Portúgalar telja evruna ekki góðan kost: "a bad thing for their economy"

Og þetta eru aðeins átta fyrstu tenglarnir á mánudagskvöldi. Þetta er bara dæmigerður dagur fyrir Evrópusambandið, draumaríki íslenskra krata. Þetta er hin raunsanna lýsing á samvinnu sem breytist í ríki sem er að kikna undan eigin skrifræði.

 

Athugasemdir

[Jón Steinar Ragnarsson, 28.9.2010 kl. 00:04]

Keep up the good work.  Það er ekki nóg með að þeir telji sig sjálfstætt ríki heldur telja þeir að ein fisktegund framar öðrum sigli undir þeirra fána um heimshöfin.

Þetta er að slá martröðum Orwells út.

[Haraldur Hansson, 28.9.2010 kl. 08:35]

Thanks. Já, það er sama hvers konar fréttir eru skoðaðar, fréttir af Evrópuríkinu eru alltaf í sama dúr. Jafnvel á EurActive.com er vesen og vitleysa mest áberandi. Þetta er bara svona.