"... skríðum bara á hnjánum"

Skopmyndateiknari Fréttablaðsins átti margar góðar myndir á nýliðnu ári. Eina sú allra besta lýsir IceSave- og ESB-tilburðum krata, en í myndatexta segir "Við getum þetta ef við skríðum bara á hnjánum".

Það gengur enginn í ESB, menn skríða þangað, eins og sagan sannar. Þetta vita kratar og þess vegna er þeim mikið í mun að samþykkja IceSave og koma þjóðinni á hnén. Annars fæst hún ekki til að skríða með þeim yfir velferðarbrú til Brussel.

Hvað er rangt við réttlæti?

Íslendingar eiga að fella IceSave með glans. Síðan mætti bæta inn í lög 96/2009 fortakslausri kröfu um að ákvæðin kennd við Ragnar Hall gildi, einnig kröfu um að fá skorið úr um málið að lögum og setja tímafrest á gildi þeirra; verði Bretar og Hollendingar ekki búnir að samþykkja þau fyrir lok apríl falli þau úr gildi.

Það á að vera sjálfsagt að Íslendingar beri þá ábyrgð sem þeim ber, að lögum. Það að vera jafn sjálfsagt að Bretar virði leikreglur en beiti ekki kúgunum og hnefarétti. Við höfum ekki rétt á því að vera feimin við að leita réttlætis. Hvað er rétt við ranglæti?

 

ESB og Icesave aðskilin mál

Athugasemdir

[Gunnlaugur I., 9.1.2010 kl. 23:22]

Já Haraldur auðvitað kolfellum við þennan óláns ICESAVE nauðungarsamning með glans.

Össur er nú skríðandi fyrir sumum af silkihúfum ESB valdsins um að þeir fari nú ekki að setja stein í götu ESB umsóknarinnar. Um það snýst allur hans vesæli og aumi málflutningur, skítt með raunverulega hagsmuni Íslands !

Burt með RUSL-FYLkinguna úr Stjórn landsins !

[Ragnhildur Kolka, 10.1.2010 kl. 15:40]

Frábær færsla.

[Haraldur Hansson, 10.1.2010 kl. 21:50]

Þakka innlitið og athugasemdirnar.

"Ég hef alltaf sagt sannleikan í þessu máli" sagði Össur í ræðustól og uppskar hlátur þingheims. Hann er í besta falli hlægilegur. Honum var mikið í mun að fá ESB samþykki frá Milliband í Bretlandi og síðan frá Spánverjum, sem nú fara með forystu í Evrópuríkinu.

Hin spænska forysta afrekaði að verða tvísaga um IceSave kúgunina á einum sólarhring. Sagði "þið verðið að ljúka málinu" á föstudag en hentaði síðan betur að segja "engin tengsl" á laugardegi. Munum að Spánverjar viðruðu fyrstir hugmyndir um aðgang að Íslandsmiðum við innlimum Íslands í Evrópuríkið.