Lilja stendur uppúr!

LILJA MÓSESDÓTTIR vill segja upp samstarfinu við rukkarana í AGS, en telur að til þess skorti pólitískan kjark. Aðrir vilja klára viðbótar níu mánuði. Þetta sagði hún og útskýrði í þættinum Návígi í sjónvarpinu í gær.

Ef þú sást ekki þáttinn skaltu smella hér og verja næstu 28 mínútum í að hlusta.

Þetta er besta viðtal við stjórnmálamann sem heyrst hefur lengi. Þarna talar þingmaður sem greinilega er í meiri tengslum við íslenskan almenning en við eigum að venjast frá ráðamönnum.

Lilja stendur uppúr.

Hún er klár, jarðbundin og samkvæm sjálfri sér. Það er sjaldgæft að heyra stjórnmálamann gagnrýna eigin flokk eins og Lilja gerir, málefnalega og af kjarki. Enn sjaldgæfara að heyra þá mæla með hugmyndum andstæðinganna, sem Lilja gerir líka, óhikað. Hún lætur málefnin ráða.

Hún tekur undir hugmyndir Sjálfstæðisflokksins um skattlagningu iðgjalda í séreignarsjóði og segir að Framsókn hafi átt bestu hugmyndina um lausn á skuldavanda heimilanna. En hugmyndin var kæfð af því að hún kom ekki frá réttum flokki.

Hún greinir frá því að hafa oft tekist á við Steingrím um AGS, sem hefur heljartök á stjórn bankamála. Einnig lýsir hún vonbrigðum sínum með frammistöðu eigin flokks í ýsmum málum og segir að erfitt sé að starfa með flokki sem sér bara eina lausn og á þar við óbilandi (en bilaða) ESB trú Samfylkingarinnar.

Þessi þáttur ætti að vera aðal fréttaefni dagsins.

 

Þriðja endurskoðunin samþykkt

Athugasemdir

[Aðalsteinn Agnarsson, 29.9.2010 kl. 18:46]

Haraldur, Lilja var ótrúlega flott, það er von, ef við eigum fleiri svona Þingmenn.

[Elle_, 29.9.2010 kl. 23:09]

Já, Lilja Mósesdóttir hefur yfirburði yfir stjórnmálamenn.  Mætti stjórnin hlusta á hana frekar en Jóhönnu og Steingrím sem ættu í alvöru ekkert að vera lengur þarna.   Þau hafa svikið landsmenn illilega og gefa líf fólksins fyrir AGS og bankana.  

[Haraldur Hansson, 29.9.2010 kl. 23:56]

Þakka innlitið og athugasemdirnar.

Einn netmiðill, amx.is, fjallaði um þáttinn og gerði það af fádæma kjánaskap. Ég held að engum öðrum hafi tekist að "misskilja" orð Lilju á þennan hátt.