Eðlileg kúgun

"Flest bendir til að Íslendingar eigi ekki annarra kosta völ en að gangast undir nauðungarsamninga til þess að geta haft eðlileg samskipti við Evrópuþjóðir, þar á meðal Norðurlönd."

Þetta segir Sigurður Líndal lagaprófessor í forvitnilegri grein í Fréttablaðinu í dag. En hvernig geta samskipti verði eðlileg ef grunnurinn er lagður með nauðungarsamningi? Er til eitthvað sem heitir eðlileg kúgun?

Grein Sigurðar er fyrst og fremst harkaleg gagnrýni á skrif Jóns Baldvins Hannibalssonar um IceSave málið. Sigurður segir að gamli kratahöfðinginn "skirrist ekki við að beita uppspuna og ósannindum til þess að koma boðskapnum á framfæri og villa þannig um fyrir almenningi".  

Það er líka almenn umfjöllun í grein prófessorsins. Þessi klausa er forvitnileg:

Við svo búið var þægilegt að fórna Íslandi þótt vikið væri til hliðar almennum grundvallarreglum í samskiptum siðaðra þjóða, sem er ein meginheimild þjóðaréttarins, sbr. 38. gr. samþykkta Milliríkjadómstólsins í Haag. Ísland skiptir hvort sem er litlu sem engu máli fyrir Evrópu.

Hvaða ályktanir á að draga af þessu? Grein Sigurðar má lesa hér.

 

Enn margir lausir endar

Athugasemdir

[Haraldur Baldursson, 13.8.2009 kl. 14:51]

Það þarf þá að kalla þessa samninga það sem þeir eru "Ánauðarsamninga". Ég veit svo sem ekki hvað þetta ætti að kallast á ensku....Highway-Robbery er það samt

[Finnur Bárðarson, 13.8.2009 kl. 20:32]

Á glæpaþjóðin einhvern valkost ?

[Haraldur Baldursson, 14.8.2009 kl. 10:58]

Eru Sikileyskir bændur glæpamenn ?

[Haraldur Hansson, 14.8.2009 kl. 12:19]

Takk fyrir innlitið og athugasemdirnar.

Fjárglæfrar fámennrar klíku gerir okkur ekki að glæpaþjóð. Sá punktur í grein Sigurðar Líndal sem ég vildi draga fram er að grundvallaratriðum í samskiptum siðaðra þjóða var vikið til hliðar. Nauðasamningar knúðir fram í krafti aflsmunar. Það á aldrei að fallast á ofbeldi, sama í hvaða mynd það birtist.

[Elle_, 14.8.2009 kl. 17:28]

Icesave er ánauðar- og kúgunarsamningur gegn heilli þjóð þar sem fæstir höfðu nokkurn skapaðan hlut með glæpi að gera.  Það eru glæpamenn í öllum löndum og firra að kalla heilar þjóðir glæpaþjóðir.   Við getum ekki skrifað undir kúgun.