Ef þetta er sett í samhengi ...

"Ef öll fjárfestingarverkefni, sem til skoðunar eru í viðræðum um stöðugleikasáttmála, verða að veruleika, þýddi það fjárfestingu upp á 245 milljarða á næsta ári og yfir 3.500 ársverk yrðu til."

Þannig hefst viðtengd fréttaskýring í prentútgáfu Morgunblaðsins. Um er að ræða alls kyns verk; lagningu Sundabrautar, tvöföldun Suðurlandsvegar, orkuver, jarðgöng, álver, gagnaver og fleira.

Þetta eru stórar framkvæmdir, mörg ársverk og miklir peningar.  

Upphæðin er samt aðeins hluti af því sem greiða á í vexti til Breta, samkvæmt IceSave samningnum sem kynntur var í gær. Bara í vexti. 

Stærsta staka framkvæmdin sem nefnd er í fréttinni er Búðarhálsvirkjun. Hún kostar 30 milljarða. Það er talsvert minna en IceSave vextir í eitt ár. Það væri hægt að byggja jarðgöng fyrir afganginn.

Þetta er það sem okkur er gert að greiða fyrir "skuldir óreiðumanna" án þess að láta reyna á lagalega skyldu í málinu. Ekki furða að mann gruni að það sé eitthvað í þessu máli sem þjóðin fær ekki að vita um. Eitthvað leyndarmál. Ekki getur uppgjöf og aumingjaskapur verið skýringin.

 

Stór verk í einkaframkvæmd?

Athugasemdir

[EE elle (IP-tala skráð) 7.6.2009 kl. 15:19]

Nei, ekki furða.  Miðað við viðsnúning Steingríms J. bara hlýtur að vera e-ð þarna sem við ekki vitum. 

[Árni Gunnarsson, 8.6.2009 kl. 00:41]

Já það eru auknar líkur á að nú verði gripið til örvæntingarfullra framkvæmda á borð við stórvirkjanir handa útlendingum á niðurgreiddu verði.

Ekkert fréttist enn af lækkun raforku til garðyrkju og ekkert fréttist enn af ákvörðunum um auknar aflaheimildir. Ekkert fréttist um neitt sem aukið getur þessari þjóð bjartsýni á að atvinnuástand skáni og sjálfbær atvinnuþróun megi hefjast. En nú er boðuð bjartsýni á auknar líkur á lánum upp á hundruð milljarða!

Og það er talað ósköpin oll um eitthvað sem ríkisstjórnin sé staðráðin í að gera.

Veit einhver hvað það er?