ESB-herinn er víst á dagskrá

Lamandi evruvandinn er svo alvarlegur að hann hefur skyggt á flestar aðrar fréttir úr Evrópusambandinu, vikum saman.

Meðal annars fréttir af árformum um sameiginlega hernaðarmiðstöð (EU military headquarters). Áform sem þó eru komin á rekspöl. Fimm af stærstu ríkjum Evrópusambandsins vilja nú setja á stofn sameiginlegan her.

Af stærstu ríkjunum eru aðeins Bretar á móti, en þar í landi er mikið rætt um að „endurheimta fullveldið" sem hefur lekið til Brussel á löngum tíma. Trúlega er andstaða Breta lituð af því.

Það var ekki lítið ráðist á bændur, þegar þeir sögðust ekki vilja að íslensk ungmenni ættu á hættu að vera kölluð í ESB-herinn í framtíðinni. Þá var því vísað á bug af aðildarsinnum sem fjarstæðu. En nú er herinn kominn á dagskrá í fullri alvöru, þótt fréttir af því rati ekki inn í fréttatíma RÚV. Enginn veit hver niðurstaðan verður.

Áhyggjur bænda voru hreint ekki út í loftið.

Meira að segja stjórnlagaráðið kveikti á perunni og setti bann við herskyldu íslenskra ungmenna inn í tillögu sína að nýrri stjórnarskrá.
 

Athugasemdir

[Sigurður M Grétarsson, 12.10.2011 kl. 23:59]

Jú svo sannarlega voru þessi orð ungra bænta út í loftið. Þessi her sem talað er um að koma á er ekki sérstakur her sem ESB stofnar heldur aðeins að setja hluta af her aðildarríkjanna undir stjórn ESB. Þannig verða tiltekin aðildarríki verktakar fyrir ESB. Það hefur ekki komið til tals að neitt aðildarríki þurfi frekar en það vill að setja herdeildir í þetta verkefni en væntanlega þurfa þau öll að bera kostnaðinn af þessu.

Svo má ekki gleyma því að af 27 aðildarríkjum ESB hafa aðeins 7 þeirra herskyldu og fer þeim fækkandi. Því er ljóst að herskylda er á undanhaldi innan ESB og því alveg útilolkað að það verði samþykkt á vettvangi ESB að einhver yfirstjórn í Brussel geti skyldað ungmenni aðildarríkja til herþjónustu.

Það er því alveg á hreinu að þetta upphlaup ungra bænda var út í hött og ekkert annað en blekkingar til að reyna að gera fólk andsnúið ESB á fölskum forsendum.

[Haraldur Hansson, 13.10.2011 kl. 00:22]

Þakka þér innlitið Sigurður.

Löng ganga byrjar á einu stuttu skrefi. Þegar menn lögðu upp í EBE leiðangurinn sáu fæstir fyrir ESB. Hvað þá breytingarnar með Lissabon svo ekki sé talað um það sem núna er í farvatninu (nema kannski Monnet, Haas og aðrir álíka).

Eins er þetta með herinn. Það sem lítur "sakleysislega" út á pappír í dag gæti breyst í eitthvað annað og meira síðar, rétt eins og Evrópusambandið.

Allur er varinn góður, svo varnagli stjórnlagaráðs er hið besta mál.

[Jón Valur Jensson, 13.10.2011 kl. 02:23]

"Meira að segja stjórnlagaráðið kveikti á perunni og setti bann við herskyldu íslenskra ungmenna inn í tillögu sína að nýrri stjórnarskrá," segir þú, Haraldur minn ágæti, ennfremur: "Allur er varinn góður, svo varnagli stjórnlagaráðs er hið besta mál."

Em málið er, að þótt slíkt ákvæði (sem ég er raunar andvígur) yrði sett hér inn í stjórnarskrá, yrði ekkert hald í því gegn viðleitni ESB-manna til að stofna her og að ætlast til þess, að hvert ESB-ríkjanna legði honum annaðhvort til mannafla eða rekstrarfé, nema hvort tveggja væri; það þyrfti ekki nema eitt prófmál Íslendings, sem gegna vildi þar herþjónustu, til að rjúfa stjórnarskrárregluna, ef ESB-dómstóllinn kemst svo að þeirri niðurstöðu, að ESB-borgarar eigi að sitja þarna við sama borð og að óeðlilegt sé í ljósi jafnstöðu að banna borgurum eins ríkjanna að bjóða sig fram til herþjónustu.

Eins og við báðir vitum, yrðu ESB-lög um þetta úrskurðuð rétthærri en jafnvel stjórnarskrárákvæði hjá okkur, sbr. ESB-ákvæðin sem rakin eru í samantekt minni: Réttinda-afsalið sem yfirlýst og staðfest yrði með aðildarsamningi (accession treaty) við Evrópubandalagið.

Síðan væri vegurinn stuttur að herskyldu, ef innri væringar og stétta- og kynþáttabundinn ófriður og jafnvel ytri ógn verða á döfinni um eða eftir miðja þessa öld. ESB heldur alltaf áfram að þróast; enginn hefur tryggingu fyrir því, hvert það fer eða hversu mikið bákn og skrímsli það getur orðið!

Eins er það með ákvæðið um að sjávarauðlindirnar skuli vera ævarandi eign þjóðarinnar. Þeir í Brussel blása einfaldlega á þetta, og ESB-dómstóllinn myndi láta undan kröfum Spánverja um fiskveiðar hér, rétt eins og hann gerði vegna veiða þeirra í brezkri landhelgi.

Já, jafnvel stjórnarskrá hefur ekkert varnargildi gagnvart þessum valdheimildum ESB!

Svo er það alveg makalaust, að þetta gervi-stjórnlagaráð vogaði sér að setja inn það ákvæði, að almenningur gæti EKKI krafizt þjóðaratkvæðis um þjóðréttarleg málefni! Þetta er ein hættulegasta tillagan frá "ráðinu" ESB-leiðitama, en þær eru fleiri.

[Sigurður M Grétarsson, 15.10.2011 kl. 12:50]

Jón. hvað ert þú eiginlega að fara með "prófmáli Íslendings"? Bann við herskyldu felur ekki í sér bann við því að Íslendingar þjóni í einhverjum  her. Það felur aðeins í sér bann við því að hann sé skyldaður til þess. 20 af 27 aðildarþjóðum ESB eru án herskyldu en þær halda samt út her og eru með fullnægjandki landvarnir. Þær eru einfaldlega með atvinnuher sem byggður er upp á mönnum sem ganga sjálfviljugir í herinn.

Til að hægt sé að stofna ESB her þá þarf að breyta stofnsáttmála ESB. Til þess þarf 100% samþykki þannig að allar ESB þjóðir hafa neitunarvvald gagnvart því. Það er því í fyrsta lagi mjög ólíklegtg að af stofnun þessa hers verði þó margir vilji gera það og gjörsamlega útilokað að samþykkt fáist fyrir herskyldu í honum.

Það er enda ekki ólíklegt að innan fárra áratuga verði herskylda flokkuð sem mannréttingabrot í mannréttindasáttmála Evrópu enda er hún það svo sannarlega.

Hvað sjávarauðlindirnar varðar þá hefur aðildarsamningur sömu réttarstöðu og stofnáttmáli Evrópu. Vissulega er hægt að kæra aðildarsamning fyrir Evrópudómstólnum en dómstóllinn getur ekki fellt hluta hans úr gildi heldur er hann annaðhvort felldur í heild sinni eða ekki. Því er það svo að ef ákvæði í aðildarsamningi okkar eru talin stangast á við ESB reglur samkvæmt Evrópudómstólnum þá erum við einfaldlega án samnings og verðum þá annað hvort að hætta við ESB aðild eða semja upp á nýtt.

Það eru einfaldlega ekkert sem bendir til þess að við munum tapa sjávarauðlindum né nokkrum jöðrum auðlindum við það aðganga í ESB. Fullyriðingar um sllíkt eru ekert anmnað en haugalygi í ykkur ESB andstæðingum til þess ætluð að fá fólk með blekkingum og lygum til að vera andsnúið ESB.

[Jón Valur Jensson, 16.10.2011 kl. 00:36]

Það er verið að draga mjög úr neitunarvaldi einstakra ríkja með ákvæðum Lissabonsáttmálans, Sigurður, og því verður örugglega haldið áfram. Einungis eitt ríkjanna 27 er, að ég tel mig vita, með sérstaka undanþáguheimild frá ESB-her, það er Írland. Eftir því sem samruninn eykst, þeim mun elilegra verður talið, að ESB hafi sjálft sinn her, enda má eflaust reyna að réttlæta það með ýmsu, m.a. aukinni samhæfingu og varnarfærni, sem og með hagkvæmnisrökum.

Lokaklausa þín er í bezta falli trúarjátning, Sigurðu.

[Sigurður M Grétarsson, 16.10.2011 kl. 13:48]

Vissulega er verið að minnka neitunarvald í ESB í dag enda gengur slíkt illa upp þegar aðildarríkjum fjölgar. Í staðinn er verið að setja inn ákvæði um aukinn meirihluta í Ráðherraráðinu. Það er hins vegar ekki verið að afnema neitunarvald gagnvart stofnsáttmála ESB né þeim samningum sem teljast jafn réttháir og ann. Þar er maðal annars um að ræða aðildarsamninga aðildarríkjanna. Það sem nelgt hefur verið í aðildarsamningi er því ekki breytt nema mað 100% samþykki og þar með er ekki hægt að breyta ákvæðum aðildarsamninga nema með samþykki viðkomandi ríkis.

Hvað ESB herinn varðar þá er ekki enn búið að stofna hann og telja menn meiri líkur en minna að af honum verði. Það er þó alveg á hreinu að þar sem herskylda er á undangalgi meðal ESB ríkja þá mun aldrei nást í gagn samþykki á herskyldu í slíkan her. Slíkur her mun því verða atvinnuher mannaður af sjálfboðaliðum.

Svo að annarri rangri fullyrðingu þinni í fyrri athugasemd þinni. ESB reglur verða ekki rétthærri íslensku stjórnarskránni þó við göngum í ESB. Þó við þurfum að gera breytingar á íslensku stjórnarskránni þannig að hún heimili að ákveðin lög ESB gildi hér á landi þá á það að sjálfsögðu við þau lög eins og önnur að ef þau brjóta í bága við stjórnarskránna þá hafa þau ekkert gildi. Vissulega getum við þá staðið frammi fyrir þeim valkosti að breyta stjórnarskránni þannig að þessi lög geti öðlast gildi hér á landi eða ganga ella úr ESB en við höfum þá alltaf þann valkist. Það er í raun sama staðan og við erum í með EES samninginn.