ESB vill meiri spillingu (og græða á henni)

Það kemur ekki á óvart að ESB vilji taka upp "sérstakan virðisaukaskatt" sem rennur beint til Brusselvaldsins. Það er búið að vera lengi í farvatninu og líklega er þetta bara byrjunin. En hinar tekjuleiðirnar sem nefndar eru í fréttinni eru ekki síður áhugaverðar, en þær eru:

• Skattur á fjármagnshreyfingar
• Gjald á flugferðir
• Uppboð á losunarheimildum

Nýlega ritað Magnús Jónsson, fyrrum veðurstofustjóri, ítarlega grein þar sem hann fjallar um umhverfisskatta. Þetta er vönduð úttekt þar sem farið er yfir aðdraganda og sögu umhverfisskatta, stöðu og horfur.

Þar er meðal annars greint frá því kerfi sem tekið var upp í ESB árið 2005. Það er svokallað ETS kerfi (Emission Trading Scheme), sem byggist á því að úthluta losunarheimildum á koltvísýringi til fyrirtækja, án endurgjalds, sem síðan geta verslað með þessar heimildir sín á milli óháð landamærum. Síðan segir:

Í desember sl. kom út skýrsla frá EUROPOL, Glæpa- rannsóknastofnun Evrópu, sem dregur upp dökka mynd af ETS-kerfinu í ESB eftir fjögurra ára reynslu af því. Þar er því haldið fram að 90% af öllum viðskiptum með losunarheimildir fari fram á forsendum skattsvika sem nemi um 1.000 milljörðum ÍSK á ári. Kerfið virki eins og segull á stórfelld virðisaukaskattsvik og sé draumakerfi fyrir peningaþvætti. Loks er því haldið fram að það dragi ekki úr losun gróðurhúsalofttegunda.

Að óbreyttu sé þetta kerfi því paradís fjársvikara og sé fyrst og fremst gróðatækifæri fyrir mestu mengunarfyrirtækin og fyrir verðbréfasala og fjárfesta. Þetta er skuggaleg lýsing á kerfi sem ESB hefur talið að gæti orðið fyrirmynd fyrir allan heiminn í baráttunni við hlýnun jarðar.

Feitletranir eru mínar. Greinina í heild má sjá hér, á bls. 14-17.

Samkvæmt viðtengdri frétt er það hugmynd ESB að afla tekna með uppboði á losunarheimildum, sem áður var úthlutað án endurgjalds. Stefnan er sett á að festa í sessi það kerfi sem Glæparannsóknarstofnun Evrópu hefur gefið húrrandi falleinkunn.

Eina breytingin er að nú vill Brussel græða á kerfinu líka, sem er í raun bara enn meiri spilling. Brusselskur spillingarauki í fallegum umbúðum.

 

Tillögur um evrópskan virðisaukaskatt

Athugasemdir

[Jón Valur Jensson, 21.10.2010 kl. 04:23]

Þakka þér athyglisverðan fróðleikinn, Haraldur.

Og það er eins og ég hef sagt: Þeir eiga svo sannarlega eftir að hækka skatta í þessu Evrópubandalagi! En fyrst stóð alltaf til að gefa sig út fyrir að vera svo frábærir – ódýrir, lítt ágengir, veitandi mikið af styrkjum o.s.frv. En heimildirnar hafa þeir náð sé í hjá þjóðríkjunum að geta lagt á skatta eins og valdamenn í Brussel geta komið sér saman um, og þá verður gengið á lagið ...

[Vendetta, 21.10.2010 kl. 22:30]

Fyrir nokkrum árum var rætt um það á Evrópuþinginu af hópi þingmanna, sem hafa það að ævistarfi að úthugsa asnalega hluti, að skattleggja öll sms-boð sem væru send í aðildarlöndunum í því augnamiði að ESB fengi aukatekjur. Andstaðan gegn þessari hugmynd var svo mikil að tillagan var aldrei lögð fram. Aðspurður hvers vegna það ætti endilega að skattleggja sms-boð, þá svaraði forsprakkinn að það væri vegna þess að það væru milljónir sms-boða sendar í Evrópu á hverju ári og það væri góð tekjulind fyrir ESB.

Með þannig hugsunarhátt og viðhorf eru engin takmörk fyrir því hvað ESB hyggst skattleggja framvegis. Þá mun framtíðin verða eins og í lagi George Harrisons, Taxman: "If you stand, I'll tax your feet / If you sit down, I'll tax your seat".

Öll ríki sem gengu í EBE á sínum tíma og EES og ESB síðar, urðu að taka upp virðisaukaskattskerfi, þar eð greiðsla aðildarríkjanna til Bruxelles er m.a. ákveðin prósenta af þessu og á sama tíma er aðildarríkjunum bannað að taka upp svipaðan neyzluskatt fyrir sinn eigin ríkissjóð. Á Íslandi lagðist söluskattur af og virðisaukaskattur kom í staðinn, en í Bretlandi var þetta alveg nýr skattur (VAT) árið 1971 og IVA á Spáni mun síðar. Þannig hækkuðu allar vörur við inngöngu í mörgum ríkjum.

Andstaðan við nýja ESB-tekjuskattinn, sem á að vera búið að koma í gegn árið 2012, er mjög mikil í aðildarríkjunum. Jafnvel þingmenn meðal flokka sem venjulega eru hlynntir ESB finnst vera of langt gengið. En svona er að vera í ESB-hraðlestinni: það eru engar bremsur.

[Jón Valur Jensson, 22.10.2010 kl. 03:25]

Gott innlegg hjá Vendetta.

En vitleysingar hér vilja keyra bremsulaust inn í bandalagið!